Раённай флэш-акцыі “#Дзятлаўшчына ў фармаце 9Д” у рамках абласнога патрыятычнага марафону “А што ты зрабіў для Беларусі?” дадзены старт у шосты школьны дзень ва ўстановах адукацыі раёна.
У гімназіі № 1 горада Дзятлава навучэнцы 1-11 класаў, у тым ліку актыў пярвічнай арганізацыі ГА “БРПА” і “БРСМ”, вучнёўскі савет гімназіі, прынялі ўдзел у працоўным дэсанце, прадэманстраваўшы не толькі працавітасць, але і шчыры клопат аб роднай зямлі. Акцыя аб’яднала школьнікаў усіх узростаў у агульнай справе навядзення парадку і захавання прыгажосці Дзятлаўшчыны.
Навучэнцы і работнікі Гезгалаўскай сярэдняй школы імя М. І. Нядзеліна прынялі ўдзел у працоўных дэсантах і экіпажах па навядзенні парадку на прышкольнай тэрыторыі, у лесапарку і каля абеліска аграгарадка Гезгалы. Навучэнцы 10-11 класаў аказалі дапамогу ў добраўпарадкаванні тэрыторыі храма свяціцеля Мікалая Цудатворца ў вёсцы Нагародавічы.
У Вензавецкай базавай школе прайшла працоўная акцыя “Чысты двор”, у час якой было ўбрана апалае лісце на прышкольнай тэрыторыі.
У Дварэцкай сярэдняй школе навучэнцы дружна паўдзельнічалі ў працоўным дэсанце “Квітней, мой сад!”: падгрэблі лісце, абкапалі маладыя саджанцы, падрыхтавалі да зімоўкі садовыя дрэўцы. Таксама прыбралі тэрыторыю помніка загінулым воінам ад асенняга лісця і сухой травы.
Цімураўскія атрады Казлоўшчынскай сярэдняй школы правялі ўборку тэрыторыі помнікаў загінулым землякам у гады Вялікай Айчыннай вайны ў гарпасёлку Казлоўшчына. Школьнікі прыбралі прылеглую тэрыторыю, выпалалі пустазелле, пачысцілі клумбы з кветкамі ад сухой травы, сабралі смецце.
Навучэнцы 8-9 класаў Новаяльнянскай сярэдняй школы імя А. А. Шаўчук разам з настаўнікамі прынялі ўдзел у аперацыі “Абеліск” па добраўпарадкаванні помнікаў і воінскіх пахаванняў. Гэта не проста жаданне зрабіць тэрыторыю больш чыстай і акуратнай, а даніна памяці і бясконцай падзякі тым, дзякуючы каму сёння ёсць мы і мірнае сонечнае неба над нашай галавой.
На працягу некалькіх гадзін працы актыўныя ўдзельнікі працоўнай суботы сярэдняй школы № 1 горада Дзятлава імя А. М. Чурылы прывялі ў парадак двор школы, тэрыторыю памятнага знака ў вёсцы Хадзяўляны на месцы гібелі 14 чырвонаармейцаў, помніка Героям Савецкага Саюза Яну Фогелю і Паўлу Пятрову ў Дзятлаве.
Падрыхтавала Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
