Я ведаю! Я памятаю! Я ганаруся!
Да 80-годдзя Вялікай Перамогі ў гімназіі № 1 горада Дзятлава дадзены старт канцэпт-ініцыятывы “Я ведаю! Я памятаю! Я ганаруся!” патрыятычнага марафону “Памяць пакаленняў”.
Патрыятычны марафон будзе праходзіць у тры этапы. Кожны гімназіст зможа прыняць удзел у 1-ым этапе марафону – конкурсе фотакалажоў “Памяць пакаленняў”. 2-гі этап – стварэнне відэатрэйлера “Сямейная рэліквія”, у якім можна прадставіць сапраўдныя дакументы, медалі, лісты з фронту, асабістыя рэчы дзядоў і прадзедаў, якія захоўваюцца ў сям’і. Самы адказны этап марафону – навукова-даследчая канферэнцыя “Гісторыя вайны і Перамогі ў асобах маёй сям’і”, якая дазволіць падзяліцца цікавымі фактамі і гісторыямі з жыцця дзядоў і прадзедаў гімназістаў. Вынікам марафону стане фільм, зняты на аснове назапашанага відэа- і аўдыёматэрыялу.
Прыйдзі і пакланіся
Выхаванцы Казлоўшчынскага дзіцячага сада далучыліся да абласнога педагагічнага марафону “Патрыёт выхоўвае патрыёта”. У рамках акцыі “Прыйдзі і пакланіся” наведалі помнік 70 землякам, якія не вярнуліся з вайны, у парку гарпасёлка Казлоўшчына. Яны ўшанавалі памяць аб загінулых салдатах хвілінай маўчання, усклалі кветкі.
Бяспека на вадзе
У рамках акцыі “Безопасность на воде – повсеместно и везде!” у дзіцячым садзе № 2 горада Дзятлава была арганізавана сустрэча са старшынёй раённай арганізацыі АСВОД Сяргеем Шпакоўскім.
Ён не толькі азнаёміў супрацоўнікаў сада з дзейнасцю арганізацыі, але і пагаварыў з выхаванцамі старэйшых груп пра папярэджанне няшчасных выпадкаў на вадзе. Дзеці ўбачылі відэаролік, у якім паказаны сродкі выратавання ў зімовы і летні перыяды, правілы паводзінаў паблізу вадаёмаў у розныя поры года. Паказаў, як практычна прымяняюцца сродкі выратавання, аказваецца першая дапамога асобам, якія церпяць бедства на водах. Выхаванцы пагулялі ў гульні па замацаванні правілаў бяспечнай жыццядзейнасці, разгледзелі лістоўкі. Ад старшыні АСВОД дзеці атрымалі каляндарыкі і запрашэнне пакатацца на катамаранах разам з бацькамі ў летні перыяд.
Падрыхтавала Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#образование
