Школьны мерыдыян

Героям вайны – вечная памяць

У лагеры “Лясная казка” Новаяльнянскай сярэдняй школы імя А. А. Шаўчук прайшло мерапрыемства, прысвечанае герою Вялікай Айчыннай вайны, заслужанай настаўніцы Рэспублікі Беларусь Аляксандры Артамонаўне Шаўчук. Прысутныя ўшанавалі памяць героя хвілінай маўчання, дзеці чыталі вершы пра вайну і подзвігі, спявалі песні ваенных гадоў. Бібліятэкар школы, унучка Аляксандры Шаўчук, Марыя Юрчык  расказала пра жыццёвы шлях сваёй бабулі, яе гераічныя ўчынкі на фронце і значны ўклад у развіццё адукацыі Беларусі.

Быць здаровым – гэта здорава

У дзіцячым садзе № 1 горада Дзятлава ў спецыяльнай, санаторнай і інтэграванай групах прайшоў вясновы Дзень здароўя. Ён пачаўся з вясёлай музычнай зарадкі, затым былі праведзены гутаркі на тэму здароўя, спартландыя “Падарожжа ў краіну Спорту і Здароўя”. Тут дзяцей сустрэлі Міні і Мікі Маус, разам з якімі яны спаборнічалі ў спрыце, сіле і кемлівасці. На свята прыйшоў і доктар Айбаліт, яму выхаванцы прадэманстравалі свае веды аб здаровым ладзе жыцця.

Разам з пазітывам

У Казлоўшчынскай сярэдняй школе ў рамках Месячніка прафілактыкі крызісных станаў непаўналетніх прайшлі акцыі, інфармацыйныя гадзіны і трэнінгавыя заняткі. Правядзенне мерапрыемстваў спрыяла фарміраванню каштоўнасных адносін да жыцця, пазітыўнаму мысленню, прынцыпаў здаровага ладу жыцця, захаванню і ўмацаванню псіхічнага здароўя непаўналетніх.

Школьнікі даведаліся, што пазітыўнае мысленне – гэта адзін з інструментаў, які дапамагае справіцца з трывогай і стрэсам, а таксама задумаліся над тым, за што яны любяць жыццё.

Падрыхтавала Таццяна САНЮК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

#образование #школа