Радасць падарыць проста

Клуб “Нам гады не бяда” Цэнтра сацыяльнага абслугоўвання насельніцтва Дзятлаўскага раёна і раённай арганізацыя Таварыства Чырвонага крыжа даўно ўзялі шэфства над жыхарамі Дома сумеснага самастойнага пражывання, што ў аграгарадку Гезгалы, і над пацыентамі мясцовай бальніцы сястрынскага догляду.

Валанцёры выдатна ведаюць, што для насельнікаў гэтых установаў іх візіт – сапраўдная падзея, а падарыць радасць пажылым людзям нескладана. Для гэтага дастаткова шчырай увагі, цёплай усмешкі, сяброўскай размовы, а калі падрыхтавана невялікая канцэртная праграма, то атрымаецца сапраўднае свята, якое запомніцца надоўга.

Чарговы свой візіт у Гезгалы валанцёры прымеркавалі да Дня пажылых людзей. На гэты раз да іх далучыліся прадстаўнікі раённага савета ветэранаў, раённага аддзела па надзвычайных сітуацыях, работнікі культуры.

Сустрэча ў Доме сумеснага самастойнага пражывання выдалася па-сямейнаму цёплай. Насельнікаў установы са святам павіншавалі старшыня раённай арганізацыі Таварыства Чырвонага Крыжа, кіраўнік клуба “Нам гады не бяда” Галіна Касцюк і інспектар Дзятлаўскага РАНС Уладзіслаў Зябачкін, пажадалі актыўнага даўгалецця, здароўя і аптымізму. Ядзвіга Гушча прывезла ад раённага савета ветэранаў торт, а ўдзельнікі клуба “Нам гады не бяда” – сувеніры, зробленыя сваімі рукамі. У час сустрэчы не змаўкаў акардыён Тацяны Шостка. Для людзей мудрага ўзросту гучалі песні мінулых гадоў, а ў хуткім часе яны і самі пачалі спяваць. Развітвацца не хацелася, але наперадзе быў візіт у бальніцу сястрынскага догляду.

Тут валанцёры таксама выступілі з музычнымі нумарамі, завіталі ў палаты да ляжачых пацыентаў. Размаўлялі доўга і цёпла, пацыенты бальніцы запрашалі прыязджаць у госці часцей. Ім паабяцалі абавязкова выканаць просьбу. Мяркуецца, што наступная паездка ў аграгарадок Гезгалы адбудзецца ўжо праз два тыдні – на Дзень маці.

Ірына КАЎКЕЛЬ

administrator

View Comments

Recent Posts

Актуальны каментарый. Пад увагай бяспека жыццядзейнасці

Члены Савета Рэспублікі Нацыянальнага сходу Рэспублікі Беларусь Павел Ашурык і Андрэй Жамойда прынялі ўдзел у…

52 минуты ago

ШколаАктыўнага Грамадзяніна. Беларусь пачынаецца з мяне

У рамках рэспубліканскага інфармацыйна-адукацыйнага праекта “ШАГ” для навучэнцаў 8-11 класаў Казлоўшчынскай сярэдняй школы прайшлі тэматычныя…

60 минут ago

Нагадалі патрабаванні заканадаўства, прапанавалі работу

У Дварэцкім сельскім выканаўчым камітэце пад кіраўніцтвам намесніка старшыні райвыканкама Вадзіма Бяляткі прайшло пасяджэнне савета…

1 час ago

Специальное комплексное мероприятие «Охота»

Что стоит за специальным комплексным мероприятием «Охота» и почему оно важно для каждого, кто выходит…

2 часа ago

Осторожно – бешенство

Ежегодно, 28 сентября, во всем мире отмечают Всемирный день борьбы против бешенства. Цель Всемирного дня…

4 часа ago

Дятловчане — участники республиканского финала фестиваля «Папа, мама, я — футбольная семья»

В Минске на Национальном футбольном стадионе состоялся республиканский финал семейного фестиваля «Папа, мама, я -…

5 часов ago