Для выканання даручэння кіраўніка дзяржавы і ўказанняў Генеральнай пракуратуры Рэспублікі Беларусь пракуратурай Дзятлаўскага раёна штомесяц з выездам у сельгасарганізацыі правяраецца выкананне заканадаўства, якое рэгулюе пытанні ўтрымання і захаванасці сельскагаспадарчых жывёл на прадпрыемствах аграпрамысловага комплексу.
Са станоўчага варта адзначыць, што скаардынаваная работа праваахоўнага блока раёна і ўпраўлення сельскай гаспадаркі і харчавання Дзятлаўскага райвыканкама дазволіла выкараніць факты выпіскі (“продажу”) загінулых жывёл на работнікаў малочнатаварных фермаў у лік іх заработнай платы, рэалізацыю буйной рагатай жывёлы індывідуальным прадпрымальнікам.
За 2024 год па фактах праверак выканання патрабаванняў заканадаўства аб захаванасці жывёлы пракуратурай раёна ўнесена чатыры прадстаўленні аб ухіленні парушэнняў у гэтай сферы. Па выніках іх разгляду да дысцыплінарнай адказнасці прыцягнуты 14 службовых асоб.
Акрамя таго, пры наведванні жывёламагільніка за парушэнні ветэрынарна-санітарных правілаў на аднаго з брыгадзіраў вытворчай брыгады ў жывёлагадоўлі была распачата справа аб адміністрацыйным правапарушэнні, па выніках якой парушальнік вызвалены ад адміністрацыйнай адказнасці з вынясеннем папярэджання.
У маі 2024 года была ўзбуджана крымінальная справа. Так, працуючы брыгадзірам у жывёлагадоўлі на адной з фермаў раёна, жанчына з карыслівай мэтай, каб пазбегнуць матэрыяльнай і дысцыплінарнай адказнасці за выяўленую ёю самастойна ў лютым 2023 года нястачу адной цялушкі вагой 593 кілаграмы, унесла загадзя лжывыя звесткі ў справаздачу аб руху жывёлы.
Крымінальная справа на гэту жанчыну-брыгадзіра была спынена з вызваленнем яе ад крымінальнай адказнасці з выкарыстаннем мераў адміністрацыйнага спагнання.
Акрамя таго, пракуратурай раёна прааналізаваны звесткі за 2024 год аб кампенсацыі ўрону ад падзяжу буйной рагатай жывёлы за кошт вінаватых асоб сельскагаспадарчых прадпрыемстваў Дзятлаўшчыны.
Усе разгледжаныя факты сведчаць аб тым, што кіраўнікамі суб’ектаў гаспадарання і службовымі асобамі неабходныя меры, скіраваныя на выкананне патрабаванняў Дырэктывы Прэзідэнта Рэспублікі Беларусь № 6 “Аб развіцці вёскі і павышэнні эфектыўнасці аграрнай галіны” ў частцы захаванасці статка прымаюцца недастаткова, работа па павелічэнні прадукцыйнасці сельскагаспадарчых жывёл, утрыманні ў належным стане жывёлагадоўчых будынкаў і збудаванняў патрабуе ўдасканалення.
Віталій ЮРГО,
пракурор Дзятлаўскага раёна
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…