Піянер і час: у аб’ектыве – лідар

На Дзятлаўшчыне прайшоў раённы анлайн-трэнінг “Мы піянеры новага пакалення!” па актуальнай для падлеткаў тэме “Піянер і час: у аб’ектыве – лідар”.

Мадэратарам сустрэчы ў галоўнай студыі, якая знаходзілася ў Дзятлаўскім раённым цэнтры дадатковай адукацыі дзяцей і моладзі, выступіла старшыня раённага савета ГА “БРПА” Ірына Мішчанка.

Ірына Анатольеўна прапанавала піянерам-лідарам установаў адукацыі раёна анлайн-трэнінг “Лідар, патрыёт – у гэтым ёсць сэнс жыцця …”. Каб удзельнікі настроіліся на выніковую працу і стварылася добразычлівая атмасфера, з імі спачатку правялі музычную гульню-размінку “Я, ты, ён, яна – піянерская краіна!”. З дапамогай танцавальных жэстаў навучэнцы дарылі добры настрой сябрам па анлайне.

Практыкаванне “Мой КОНТЕФЕКТ” кожнаму дапамагло вызначыць лідарскія якасці і прадэманстраваць іх удзельнікам трэнінгу.

Сваё стаўленне да лідарскай трыяды навучэнцы выказалі з дапамогай розных практыкаванняў і заданняў.

Шмат пазітыўных эмоцый ўдзельнікам анлайн-сустрэчы падарыла заданне “Запалі ў сабе таленты!”. З паперы навучэнцы майстравалі рысяня Агеньчыка – талісман грамадскага аб’яднання “Беларуская рэспубліканская піянерская арганізацыя”.

Паліна БЕЛАВУС,
старшыня моладзевага парламента пры раённым Савеце дэпутатаў