Па выніках работы за 2023 год Дзятлаўскі ратавальны пост адзначаны дыпломам І ступені.
Аб складніках высокага выніку расказаў старшыня раённай арганізацыі АСВОД Сяргей Шпакоўскі:
– Мы правялі маштабную прафілактычную работу з насельніцтвам, наведалі ўстановы, школы раёна з “урокамі бяспекі”, у час якіх расказвалі аб правілах паводзінаў на вадзе і адпачынку каля вадаёмаў у зімовы час года. У сваіх выступленнях даводзілі новыя правілы, зацверджаныя пастановай Савета Міністраў Рэспублікі Беларусь № 543, якія набылі сілу 18 жніўня 2023 года.
– Назавіце найбольш істотныя змяненні.
– Напрыклад, пачала дзейнічаць забарона на купанне ў цёмны час сутак, ранейшая рэкамендацыя аб выхадзе на лёд у ратавальнай камізэльцы па вагавай катэгорыі грамадзян перайшла ў норму, за парушэнне якой чакае штраф. Таксама забаронены выхад на лёд непаўналетніх без суправаджэння дарослых, увогуле масавае катанне на вадаёмах дазваляецца толькі пры таўшчыні лёду больш за 25 сантыметраў (сёлета такога мы яшчэ не бачылі).
– Што было зроблена і што чакае дзятлаўчан у новым купальным сезоне?
– За мінулы летні перыяд пляж у Дзятлаве наведалі 1066 удзельнікаў школьных летнікаў, мясцовыя жыхары: у спякотныя дні колькасць аматараў купання даходзіла да 900 чалавек. У 2023 годзе палепшылася абсталяванне пляжа і ратавальнага паста ў тым ліку. Сёлета ў нас з’явіцца інстркуктар па плаванні, які на бясплатнай аснове будзе вучыць дзяцей, па-другое, пашырацца межы воднай тэрыторыі для пачынаючых, металічныя буі заменім на больш сучасныя пластыкавыя, таксама ў планах закупка новай лодкі для ратаўнікоў на водах.
– На што сёння накіравана ўвага раённага АСВОД?
– Самае “балючае” пытанне – выхад людзей на лёд, які ва ўмовах плюсавога дажджлівага надвор’я катэгарычна забаронены для ўсіх. Нягледзячы на тое, што ледзяное покрыва яшчэ дастаткова тоўстае, аднак лёд далікатны і не здолее вытрымаць вагу чалавека. Цяпер разам з праваахоўнікамі і ратаўнікамі актыўна праводзім рэйдавыя мерапрыемствы, каб не дапусціць няшчасных выпадкаў.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
У Год беларускай жанчыны на старонках газеты “Перамога” расказваем пра нашых зямлячак, якія змагаліся на…
У раённым Цэнтры культуры і народнай творчасці прайшоў святочны канцэрт-шанаванне, прысвечаны надыходзячаму Дню медыцынскіх работнікаў.…
За невыкананне работ па падтрыманні належнага санітарнага стану на тэрыторыях зямель агульнага карыстання населеных пунктаў,…
Гэта высвятлялі выхаванцы летніка “Крута” гімназіі № 1 горада Дзятлава, наведаўшыся ў рэдакцыю раённай газеты…
Чым жыве летнік Выхаванцы летніка “Усмешка” сярэдняй школы № 1 горада Дзятлава імя А. М.…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga