Самая вялікая ўзнагарода для маці, калі яе сын вырас апорай і надзеяй сям’і.
Але найвышэйшы гонар, калі ён стаў годным чалавекам, надзейным абаронцам Айчыны.
Прыемным і нечаканым сюрпрызам для нашай зямлячкі Таццяны Якшук напярэдадні свята 8 Сакавіка стаў прыезд на работу намесніка ваеннага камісара, начальніка мабілізацыйнай групы ваеннага камісарыята Дзятлаўскага раёна маёра Аляксандра Бургуна. Таццяна Анатольеўна працуе кухонным рабочым у дзіцячым аддзяленні “Баравічок” філіяла “Санаторый “Радон”. У акружэнні калег па рабоце Аляксандр Аляксандравіч уручыў ёй падзячны ліст ад камандзіра 11-й механізаванай брыгады горада Слоніма на яе сына, сяржанта Дзмітрыя Якшука, які праходзіць там тэрміновую ваенную службу.
Як адзначае камандзір часці, служыць ён годна, паспеў зарэкамедаваць сябе граматным спецыялістам з высокім узроўнем прафесійнай падрыхтоўкі, адказным, добрасумленным, дысцыплінаваным, дастойна выконвае свой воінскі абавязак, пастаянна авалодвае ваеннымі прафесійнымі ведамі.
Дзмітрый Якшук карыстаецца ў калектыве заслужаным аўтарытэтам, патрабавальны да сябе і сваіх падначаленых.
Камандаванне выказвае бацькам падзяку за выхаванне сына, сапраўднага патрыёта нашай краіны.
Таццяна САНЮК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#военкомат #поздравления
