У другім квартале бягучага года Навагрудскі міжраённы аддзел Гродзенскага абласнога ўпраўлення Дэпартамента дзяржаўнай інспекцыі працы правёў выбарачную праверку ў КСУП “Хвінявічы”.
Устаноўлены парушэнні пры правядзенні інструктажаў па ахове працы з работнікамі прадпрыемства. У журналах рэгістрацый інструктажаў часткова адсутнічаюць подпісы работнікаў, нумары інструкцый, па якіх праводзіўся інструктаж. Асобныя інструкцыі па ахове працы распрацаваны няякасна. У арганізацыі адсутнічалі праграмы для навучання па прафесіях рабочых, занятых на працах з павышанай небяспекай. Былі ўстаноўлены факты допуску да выканання работ работнікаў без прафесійнай падрыхтоўкі.
У час правядзення праверкі было прапанавана прыпыніць працу 3-х адзінак тэхнікі і дрэваапрацоўчага цэха, эксплуатацыя якіх пагражала бяспецы людзей.
У арганізацыі ўстаноўлены факты незабеспячэння работнікаў сродкамі індывідуальнай абароны (спецвопраткай, спецабуткам) у адпаведнасці з тыпавымі нормамі выдачы. Таксама выяўлены парушэнні па арганізацыі працоўных месцаў і іншыя.
Па выніках праверкі за дапушчаныя парушэнні заканадаўства аб ахове працы чатыры службовыя асобы прадпрыемства былі прыцягнуты да адміністрацыйнай адказнасці.
8 чэрвеня ў ТАА “Ізакам” адбыўся няшчасны выпадак, які прывёў да цяжкай вытворчай траўмы. Стропальшчыкі Т. і К. загружалі апоры ў аўтамабільны прычэп. Пі-нерухомая апора ўяўляе сабой канструкцыю вагой 62 кг, даўжынёй 2 метры. З-за аднолькавай даўжыні пі-нерухомай апоры і шырыні прычэпа адсутнічаў праход паміж бортам і пераносным вырабам, у пэўны момант Т. страціў раўнавагу, упаў з прычэпа за борт на асфальт, у выніку чаго атрымаў траўму галавы.
У ходзе правядзення спецыяльнага расследавання была ўстаноўлена нездавальняючая арганізацыя пагрузачна-разгрузачных работ, адсутнічаў распрацаваны і зацверджаны кіраўніком арганізацыі тэхналагічны рэгламент (інструкцыя) на правядзенне гэтага віду работ з указаннем бяспечных спосабаў іх правядзення.
Асобамі, якія дапусцілі парушэнні заканадаўства аб ахове працы, прызнаны намеснік дырэктара па вытворчасці і загадчыца склада прадпрыемства.
Аляксандр БУРГУН,
намеснік начальніка Навагрудскага міжраённага аддзела
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Весела і ўрачыста з песнямі ад мінскай групы “Добрыя людзі”, шчырымі пажаданнямі і заслужанымі ўзнагародамі…
До начала учебного года осталось совсем немного времени, а значит, сейчас самое время подготовиться к…
Президенты Беларуси и Мьянмы во время состоявшейся 20 августа неформальной встречи обсудили все направления сотрудничества.…
21 жніўня ў Гродне прайшла традыцыйная штогадовая жнівеньская педагагічная нарада, якая сабрала разам кіруючых работнікаў…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…
Анализ аварийности на территории Гродненской области свидетельствует о том, что одними из причин совершения дорожно-транспортных…