Днямі ў чат-бот аднаго з рэспубліканскіх інтэрнэт-рэсурсаў прыйшло паведамленне з фотаздымкам, у якім чытач звяртае ўвагу на знак дадатковай інфармацыі (таблічку) у выглядзе паўмесяца.
“Можа, я памыляюся, не ўважліва прачытаў ПДР. Але як вадзіцель павінен паступаць у дадзенай сітуацыі, калі такі дарожны знак у ПДР не існуе?! Усе дарожныя знакі павінны адпавядаць СТБ 1140-2013 і быць узгоднены з ДАІ”, – адзначыў у паведамленні чытач.
Мне стала цікава, а вадзіцелі-дзятлаўчане ведаюць, як выглядаюць новыя знакі і таблічкі, якія ўстанаўліваюць на дарогах Беларусі з 27 кастрычніка 2022 года, пасля ўступлення ў сілу новай рэдакцыі правілаў дарожнага руху?
Знаёмцеся. Так выглядаюць таблічкі “Светлы час сутак”, “Цёмны час сутак”, “Зімовы перыяд”. Іх устанаўліваюць з 1 лістапада па 31 сакавіка ўключна.
З’явіліся таблічкі “Усе ТС, акрамя веласіпедаў”, “Усе ТС, акрамя электрамабіляў”, “Электрамабілі”, знак “Станцыя для зарадкі электрамабіляў”.
Афіцыйна замацавалі знак “Веласіпедная і пешаходная дарожкі”, які выкарыстоўваўся ўсе гэтыя гады ў якасці эксперыментальнага. Такія дарожкі размежаваны канструктыўна або разметкай. Калі на падобным знаку зверху веласіпед – ён тут галоўны, пешаходы і самакаты таксама могуць рухацца (пры адсутнасці тратуара), але не павінны ствараць перашкоды. Тое ж правіла дзейнічае наадварот, калі зверху на знаку намаляваны пешаход. Яшчэ пару новых знакаў: “Дарога з веласіпеднай дарожкай”, выезд на яе і яе канец, “Веласіпедны пераезд”.
А гэта “Зона з абмежаваннем максімальнай хуткасці руху” і “Канец зоны абмежавання максімальнай хуткасці руху” – там забаронены рух з хуткасцю, якая перавышае вызначаную на знаку. Яшчэ адзін новы знак – “Рух на сродках персанальнай мабільнасці забаронены”. Сродкі персанальнай мабільнасці – гэта электрасамакаты, гіраскутары, сегвеі і іншыя падобныя транспартныя сродкі.
Знакі “Кантроль устаноўленай хуткасці”, “Пачатак і канец участка кантролю сярэдняй хуткасці” ўстанаўліваюць сумесна са знакам “Абмежаванне максімальнай хуткасці”. “Кантроль выканання патрабаванняў ПДР” – гэта пра фотафіксацыю камерамі ўсяго магчымага, акрамя хуткасці.
Дарэчы, Кодэкс аб адміністрацыйных правапарушэннях ужо дазваляе караць за любое вадзіцельскае парушэнне, зафіксаванае на камеру.
Ірына КАМАРОВА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Министерство сельского хозяйства и продовольствия определило максимальные цены на основные виды плодоовощной продукции в межсезонный…
Дзевяноста… Дзень нараджэння ці веха ў жыцці? І тое, і другое, калі чалавек поўны энергіі,…
10 верасня на Дзятлаўшчыне прайшоў Адзіны дзень інфармавання насельніцтва. Працавала некалькі інфармацыйна-прапагандысцкіх груп. Перад калектывамі…
Президент Беларуси Александр Лукашенко собрал совещание по вопросам лицензирования отдельных видов деятельности. На рассмотрение вынесен…
27 августа двое жителей Дятловского района рыбачили ночью на Гезгаловском водохранилище. Ближе к утру мужчины…
15 сентября с 11.00 до 12.00 нотариус нотариальной конторы Дятловского района Жанна Николаевна Сёмуха проведет…