Сёмы год запар Беларускі прафсаюз работнікаў аграпрамысловага комплексу сумесна з Міністэрствам сельскай гаспадаркі і харчавання Рэспублікі Беларусь праводзіць акцыю “Наш жывёлавод”.
Аднымі з першых жывёлаводаў Дзятлаўшчыны, ушанаванымі ў час акцыі, сталі работнікі ААТ “Граніт-Агра”.
З прыемнай місіяй, узнагароджання гаспадарку наведалі спецыялісты рэспубліканскага камітэта Беларускага прафсаюза работнікаў АПК – начальнік аддзела сацыяльна-эканамічнай работы Віталь Лісіцкі, галоўны прававы інспектар Сафія Грышуціна, галоўны тэхнічны інспектар працы Валерый Русакоў – разам са старшынёй райкама прафсаюза АПК Дзятлаўшчыны Уладзімірам Казаком.
Яны пабывалі ў працоўных калектывах малочнатаварных комплексаў “Таркачы”, “Касцюкі”, “Белагурна”.
За добрасумленную працу, прафесіяналізм, адказнасць пры выкананні сваіх службовых абавязкаў, дасягненне высокіх вынікаў у жывёлагадоўлі Падзячнымі лістамі і памятнымі падарункамі былі адзначаны аператары машыннага даення МТК “Белагурна” Марына Лазарэнкава і Святлана Крупіца, жывёлаводы МТК “Таркачы” Аляксандр і Вольга Жыдко, жывёлавод МТК “Касцюкі” Сяргей Сарока.
Уладзімір Казак адзначыў, што акцыя “Наш жывёлавод” толькі стартавала і будзе доўжыцца да канца сакавіка. За гэты час прадстаўнікі галіновага прафсаюза наведаюць кожную ферму, каб адзначыць лепшых работнікаў.
Зразумела, што і сёння рэспубліканскія госці пазнаёміліся з умовамі працы на комплексах, якія наведалі, санітарнай абстаноўкай на працоўных месцах, праверылі тэмпературны рэжым, пагутарылі з людзьмі аб іх клопатах і праблемах, праманіторылі парадак вядзення дакументацыі. Валерый Русакоў выказаў заўвагі і даў слушныя парады кіраўніцтву гаспадаркі па іх выпраўленні. Інспектары высока ацанілі ўзровень сацыяльнай абароны і клопат аб работніках, якім славяцца “гранітаўцы”.
– Працаваць у камфортных умовах і атрымліваць дастойны заробак – тое, чаго заслугоўваюць работнікі сельскай гаспадаркі. Усё гэта ў вас выконваецца, – заўважыў Віталь Лісіцкі.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…