Пад такім лозунгам напярэдадні Міжнароднага дня барацьбы з наркаманіяй адбылася сустрэча спецыялістаў-медыкаў з навучэнцамі школ Дзятлаўшчыны.
Арганізатарамі мерапрыемства выступілі работнікі Дзятлаўскай цэнтральнай раённай бібліятэкі.
Гасцямі сустрэчы сталі доктар-нарколаг Дзятлаўскай ЦРБ Барыс Отчык і валеолаг Дзятлаўскага райЦГЭ Наталля Юрэня.
Яшчэ да пачатку мерапрыемства ва ўдзельнікаў сустрэчы была магчымасць пазнаёміцца з матэрыяламі інфармацыйнай выставы “Бяда завецца наркаманіяй”, якую падрыхтавалі метадысты раённай бібліятэкі.
У час мерапрыемства дэманстраваліся відэаролікі па прафілактыцы наркаманіі і прапагандзе здаровага ладу жыцця.
Жывая дыскусія паміж спецыялістамі, супрацоўнікамі бібліятэкі і навучэнцамі сярэдняй школы №3 склалася задоўга да пачатку мерапрыемства, у такім жа дынамічным дыялогу будавалася яна і на парцягу ўсёй сустрэчы: з цікаўнасцю навучэнцы слухалі выступленні спецыялістаў, актыўна задавалі хвалюючыя пытанні, уключаліся ў розныя формы работ.
Так, удзельнікам прапанавалася разгледзець шэраг разнастайных сітуацый і знайсці варыянты іх рашэння, творча абыграць пастаноўку незвычайных здарэнняў.
З не меншай зацікаўленасцю дзеці адказвалі на заданні віктарыны пад назвай “Што ты ведаеш пра наркаманію”, актыўна прымалі ўдзел у рухомых і інтэлектуальных гульнях.
У ходзе мерапрыемства медыкі расказалі школьнікам пра наркотыкі, іх негатыўны ўплыў на здароўе, меры па недапушчэнні іх ўжывання. Вучні даведаліся, да чаго можа прывесці няправільны лад жыцця. Быў закрануты і прававы бок праблемы.
Доктар-нарколаг папярэдзіў навучэнцаў аб шкодным уздзеянні на малады арганізм розных курыльных сумесяў, перасцярог ад легкадумнага стаўлення да так званых “лёгкіх наркотыкаў”, асабліва падкрэсліў, што курэнне і алкаголь таксама выклікаюць наркатычную залежнасць.
Класны кіраўнік 7”Б” класа Алена Шпакоўская, настаўніца біялогіі, дапамагала дзецям дасканала разабрацца ў значэнні медыцынскіх тэрмінаў, небяспецы наркаманіі, пагрозах і шкодзе для арганізму людзей.
Аксана АНДАЛЮКЕВІЧ
Рамін Чабанаў, гаспадар магазіна “Фруктовая крама”, што знаходзіцца па вуліцы Леніна ў горадзе Дзятлаве, родам…
У горадзе Дзятлаве па вуліцы Слонімскай, 27 працуе фірменны магазін айчыннага вытворцы “Мэбля Пінскдрэў”, які…
Паважаныя работнікі і ветэраны галіны гандлю! Прыміце шчырыя віншаванні з прафесійным святам! Ваша галіна ўносіць…
Пытанне: што чакае маладога спецыяліста, які не выйшаў на работу па размеркаванні? Адказ: такі факт…
31 июля Госавтоинспекция проведет Единый день безопасности дорожного движения, посвященный пропаганде использования ремней безопасности, детских удерживающих устройств и мотошлемов.…
Звычайны дзень у сельскім выканаўчым камітэце: хтосьці просіць пахадайнічаць аб больш спрыяльным раскладзе аўтобусаў, другі…