Мамін дзень і Пакровы: віншаванні ад малечы

Дзень маці – доўгачаканае, цёплае свята, якое любяць дзеці і дарослыя. Прыемныя сюрпрызы для сваіх матуляў сёлета падрыхтавалі выхаванцы Гезгалаўскага яслей-сада.

Яны не толькі змайстравалі яркія віншавальныя паштоўкі з кветачкамі, вывучылі шчырыя вершы і песні пра мам, станцавалі дынамічныя танцы, але і павіншавалі сваіх любімых матуляў з Пакровамі. Нагадалі ім пра нашу нябесную Заступніцу – Багародзіцу і праваслаўныя традыцыі. Таксама правялі некалькі займальных гульняў. На дзіва хутка маленькія працаўнікі пасадзілі і сабралі бульбу. Разам са сваімі мамамі гатавалі боршч і кампот, прычым жанчыны свабодна справіліся з заданнем з завязанымі вачамі.

З надыходзячымі святамі педагогаў, выхаванцаў садка і іх бацькоў павіншавала намеснік старшыні раённай арганізацыі грамадскага аб’яднання “Беларускі саюз жанчын” Таццяна Нікіпорчык і ўручыла падарунак ад аб’яднання.

Мерапрыемствы з падтрыманнем духоўных традыцый у Гезгалаўскім яслях-садзе не рэдкасць. З 2016 года тут рэалізуецца рэспубліканскі інавацыйны праект “Укараненне мадэлі фарміравання асабовай і сацыяльнай ідэнтычнасці дзяцей дашкольнага і школьнага ўзросту на праваслаўных традыцыях і каштоўнасцях беларускага народа”.

Загадчыца ўстановы Святлана Гурская зазначае, што ў дашкольным ўзросце закладваюцца перадумовы маральных якасцяў, фарміруецца пачуццё адказнасці за свае ўчынкі і павага да іншых людзей. Задача педагогаў – не ўпусціць гэты спрыяльны час.

Фарміраванню ўяўлення выхаванцаў садка аб духоўна-маральных каштоўнасцях беларускага народа дапамагаюць “Урокі Дабрыні”. На іх дзеці даведваюцца аб паняццях “міласэрнасць”, “паслухмянасць”, “пакора”, “дабрачыннасць”. Знаёмячы выхаванцаў з біблейскімі сюжэтамі, педагогі актыўна выкарыстоўваюць мультымедыйныя прэзентацыі, відэазапісы, фрагменты мультфільмаў “Біблія для дзяцей”. Азнаямленню з праваслаўнымі святамі і іх традыцыямі спрыяюць тэматычныя мерапрыемствы “Вербная нядзеля”, “Святло Нараджэння Хрыстовага”, “У дзень Вялікадня святога” з запрашэннем настаяцеля Нагародавіцкай царквы іерэя Іаана.

Ірына КАЎКЕЛЬ

administrator

View Comments

  • И детки, и воспитатели - большие молодцы!

Recent Posts

Откажись от насилия!

https://www.youtube.com/embed/FYMdbfP8Ufw Ежемесячно в результате убийств и тяжких телесных повреждений гибнет до 40 граждан нашей страны,…

4 часа ago

10 мая – Дзень Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь

Паважаныя жыхары Дзятлаўскага раёна! Прыміце шчырыя віншаванні з гэтым важным дзяржаўным святам! Гэта свята з’яўляецца сімвалам…

5 часов ago

Дзятлаўчане праспявалі разам «Дзень Перамогі»

Святочныя мерапрыемствы 9 Мая завяршыліся акцыяй “Праспяваем "Дзень Перамогі" разам” і феерверкам. Наталля АВЯРЧУК Подписывайтесь…

12 часов ago

Футбол (4-й тур чемпионата Гродненской области)

9 мая в Дятлово состоялся 4-й тур чемпионата Гродненской области по футболу (республиканский региональный этап).…

15 часов ago

У Дзень Перамогі, песня, гучы!

Праграму ўрачыстасцяў да Дня Перамогі ў Дзятлаве прадоўжылі канцэрты, якія падрыхтавалі артысты раёна і госці.…

15 часов ago

Нібы сышлі з экрана: у Дзятлаве 9 Мая паказалі “жывое” кіно

Да Дня Перамогі ў Дзятлаве, у гарадскім скверы па вуліцы Міцкевіча, разгарнуліся інтэрактыўныя пляцоўкі з…

18 часов ago