Значэнне перамогі над нямецка-фашысцкімі захопнікамі ў Вялікай Айчыннай вайне, вялікі ўклад у яе нашага народа немагчыма пераацаніць.
Мы, дарослыя, ведаем, якой дарагой цаной дасталася нам шчасце жыць пад мірным небам. Наш абавязак – перадаць нашчадкам памяць аб вялікім подзвігу народа.
Супрацоўнікі, выхаванцы і бацькі Гезгалаўскага дзіцячага сада сталі ўдзельнікамі акцыі “Кніга памяці сваімі рукамі”. Каб сабраць матэрыял пра сваякоў, якія абаранялі Радзіму ад нямецка-фашысцкіх захопнікаў, удзельнікі акцыі зазірнулі ў сямейныя архівы, дзе знайшлі ордэны, медалі, лісты з фронту.
Афармленнем “Кнігі памяці” з энтузіязмам занялася настаўнік-дэфектолаг Алена Лукіянец. Больш за дваццаць гадоў яна з гонарам захоўвае памяць пра свайго дзеда Ілью Масло, ветэрана Вялікай Айчыннай вайны, які прайшоў вайну ад першага да апошняга дня, з’яўляўся ўдзельнікам штурму Берліна. З яго вуснаў, тады яшчэ маленькая дзяўчынка, якая ганарова крочыла за руку з дзедам на святочных дэманстрацыях у Дзень Перамогі, упершыню яна даведалася пра страшныя гады гісторыі краіны і вялікі подзвіг народа.
На старонках “Кнігі памяці” размешчаны фатаграфіі ветэранаў вайны і іх нашчадкаў, якія жывуць у цяперашні мірны час: унукаў, праўнукаў, прапраўнукаў. Афармленне кожнай старонкі суправаджаецца эмацыйна афарбаваным расповедам пра жыццё героя, які адстаяў свабоду і незалежнасць нашай краіны. Так, выхавальніца дашкольнай адукацыі Галіна Гаўрош расказала дзецям пра свайго дзядулю Канстанціна Цішука, які быў паранены ў баі, паказала ўзнагароды – 5 медалёў. Выхаванка Ганна Жуйкова ў вершах выказала гонар і павагу да прапрадзеда Івана Жуйкова, Макар Жыбарт падрыхтаваў аповед пра прапрадзеда Аляксея Касперука, які загінуў пры вызваленні Польшчы.
Створаная сваімі рукамі “Кніга памяці” для нашых выхаванцаў – гэта першыя ўрокі гісторыі, тая нітка, якая злучае пакаленні, увекавечвае памяць пра вялікі подзвіг народа.
Святлана ГУРСКАЯ,
загадчыца Гезгалаўскага дзіцячага сада
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
В Беларуси 11 июля на большей части территории пройдут кратковременные дожди, днем в отдельных районах…
Лесные ягоды — это природный источник витаминов, антиоксидантов и дубильных веществ. Они укрепляют иммунитет, защищают…
Сегодня стабильность — это не абстрактное слово, а конкретные условия жизни. Служба в органах внутренних…
Водные игры в необорудованных и несанкционированных местах крайне опасны. Непроверенное дно, скрытые коряги, водовороты и…
16 ліпеня з 14.30 да 16.30 у будынку Казлоўшчынскага сельвыканкама выязны прыём грамадзян правядзе начальнік…
9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…