Ад каманды футбалістаў з Круцілавічаў выхаванцы дзіцяча-юнацкай спартыўнай школы прывезлі эстафету ў Наваельнянскую сярэднюю школу. Тут у футбол згулялі дзяўчынкі.
Ужо знаёмая нам мультымедыйная прэзентацыя сабрала шмат навучэнцаў гэтай школы, прывабіла цікавасць дзяцей фактамі пра футбол. Майстар-клас правялі футбалісты з Дзятлаўскай спартыўнай школы, якіх можна, па сутнасці, назваць, маленькімі трэнерамі. Пасля заканчэння трэніровачнага этапу пачалася сяброўская гульня. Правялі адразу два матчы: футбалісты спартыўнай школы супраць мясцовых ігракоў, другі матч згулялі дзве каманды дзяўчат. На пляцоўцы ўсталявалася сапраўднае спаборніцтва. Актыўнасці дзяўчат любы пазайздросціць, а дынамічнасці гульні можна павучыцца. Адзначыў запал у дзявоцкай камандзе старшы трэнер спартыўнай школы Уладзімір Ганчар:
– Дзяўчаты тут вельмі бойкія, не ўступаюць у гульні хлопчыкам. Маладыя спартсменкі добра ведаюць правілы футбола, якасна адпрацаваны гульнёвыя рухі. Адчуваецца, што футбол у вучняў гэтай школы выклікае інтарэс і займае важнае месца ў час правядзення спартыўных заняткаў.
Неабходна звярнуць увагу на балельшчыкаў Наваельнянскай школы. Яркі эмацыянальны ўсплеск падтрымліваў ігракоў, надаваў ім бадзёрасці ў час гульні.
Пры падвядзенні вынікаў футбольных матчаў былі адзначаны лепшыя ігракі, якія згуляюць у складзе каманды і будуць абараняць гонар школы ў фінальных спаборніцтвах.
Традыцыйныя віншаванні і падарункі выклікалі шквал эмоцый сярод школьнікаў. Нагадаем, што Беларуская федэрацыя футбола шчыра прадаставіла школьнікам вясковай мясцовасці каляровыя часопісы “Вялікі футбол”, эмблемы, ручкі, блакноты і разам са старшым трэнерам спартыўнай школы Уладзімірам Ганчаром запрашаюць усіх актыўных футбалістаў раёна, іх бацькоў, сяброў і аматараў футбола 18 мая на стадыён “Колас” у Дзятлаве на фінальныя спаборніцтвы юных спартсменаў у вялікай гульні.
Далей разам з футбалістамі спартыўнай школы адпраўляемся ў Жукоўшчыну.
Аксана АНДАЛЮКЕВІЧ
Стоит почитать:
У Раўбічах у фінале рэспубліканскай спартакіяды па валейболе сярод дзяцей і юнацтва, якія займаюцца ў…
В связи с установившимися погодными условиями и массовым посещением гражданами лесов, зон отдыха, вероятность «принести»…
Прием и прямая телефонная линия пройдут 14 мая с 14.00 до 16.00 по адресу: г.…
С целью совершенствования профессиональной компетентности заместителей директора по воспитательной работе через новые подходы в идеологическом…
Сегодня стабильность — это не абстрактное слово, а конкретные условия жизни. Служба в органах внутренних…
10 мая ў Беларусі адзначаецца вялікае свята, якое яднае беларускі народ, заклікае да згоды ўсіх…