Сумеснымі намаганнямі раённага выканаўчага камітэта горада Дзятлава і Дзятлаўскага раённага аддзела па надзвычайных сітуацыях адкрыўся іміджавы пакой бяспекі РАНС. Удзел у адкрыцці прынялі першы намеснік начальніка Дзятлаўскага РАНС Уладзімір Кажала і начальнік аддзела адукацыі райвыканкама Наталля Белаус, а таксама інспектар групы прапаганды і ўзаемадзеяння з грамадскасцю РАНС горада Дзятлава Дзмітрый Бобін.
Новы пакой усталяваўся на базе кінатэатра “Спадарожнік”. Першымі яго наведвальнікамі сталі юныя выхаванцы старэйшых груп дашкольнага цэнтра развіцця дзіцяці №2 горада Дзятлава. Яны з задавальненнем прынялі ўдзел ва ўрачыстым адкрыцці, а затым з цікаўнасцю разглядалі экспанаты, макеты, яркія каляровыя часопісы, кнігі, буклеты, лістоўкі, размалёўкі.
Новы пакой бяспекі абсталяваны сучаснымі метадычнымі дапаможнікамі, нагляднымі матэрыяламі па асновах жыццядзейнасці, макетамі пажарных машын. Тут жа размясціўся манекен з сапраўднай баявой формай ратаўніка, на фоне якога дзятва можа рабіць фотаздымкі і сэлфі.
Як адзначыў Дзмітрый Бобін, на тэрыторыі Дзятлаўскага раёна гэта першы іміджавы аб’ект РАНС, які ўкамплектаваны метадычнымі і гульнёвымі дапаможнікамі па накірунку асноваў бяспекі жыццядзейнасці. У ім сумесна з работнікамі РАНС плануецца пастаянна праводзіць тэарытычныя і практычныя заняткі, урокі бяспекі, акцыі па навучанні дзяцей правільным і хуткім дзеянням у разнастайных надзвычайных сітуацыях. У далейшым іміджавы пакой будзе развівацца: плануецца набыць гульнёвы матацыкл, мэблевыя стэнды, развіваючыя гульні. Арганізатары спадзяюцца, што гэты аб’ект стане свайго роду метадычным дапаможнікам і для педагогаў установаў адукацыі, і для бацькоў.
Прымаючы ўдзел у конкурсах і гульнях, накіраваных на навучанне асновам бяспекі, дзеці ўжо з самага ранняга ўзросту змогуць даведацца і навучыцца, як правільна паводзіць сябе ў надзвычайнай сітуацыі, куды неабходна патэлефанаваць у выпадку яе ўзнікнення, і тым самым дапамагчы не толькі сабе, але і сябрам, людзям, якія жывуць побач.
Ратаўнікі чакаюць у госці дзяцей рознага ўзросту – ад зусім маленькіх дашкольнікаў да навучэнцаў пачатковых класаў, а таксама ўсіх жадаючых. Працаваць іміджавы пакой будзе кожны дзень па дзённым раскладзе кінатэатра “Спадарожнік”.
Аксана АНДАЛЮКЕВІЧ
Стоит почитать:
Президент Беларуси Александр Лукашенко во время рабочей поездки в Брест актуализировал задачи для аграриев на…
Другі год запар ААТ “Дварэц-Агра”, падшэфнае сельгаспрадпрыемства ААТ “Молочный Мир”, трымае пальму першынства на жніве…
КСУП “Хвінявічы” славіцца высокімі паказчыкамі ў жывёлагадоўлі, нязменна знаходзячыся ў лідарах раёна па надоях, прывагах…
Гудуць магутныя машыны, высыпаючы з прычэпаў зярняты. Яны льюцца хуткай плынню, горамі ўзвышаюцца на збожжатаку…
Гродненские пограничники задержали мужчину с беспилотником кустарного производства. Об этом БЕЛТА проинформировали в Госпогранкомитете. Вблизи…
На 30-й внеочередной сессии районного Совета депутатов в должности председателя Слонимского райисполкома утверждён Виталий Шулейко,…