Іх жыццё – ваш галоўны прыярытэт

Аб тым, што 22 лютага пройдзе Адзіны дзень дзіцячай бяспекі “Прапаганда выканання ПДР дзецьмі-пасажырамі”, дзяржаўтаінспекцыя праз СМІ паведаміла загадзя.

А вось паглядзець, як вадзіцелі непакояцца пра сваіх маленькіх пасажыраў, сёння, у дзень правядзення акцыі, інспектары міжраённага аддзела ДАІ выехалі сумесна з журналістамі раённай газеты.

Рэйд пачаўся на вуліцы Кастрычніцкай у Дзятлаве, за паўгадзіны спынілі больш за дзясятак аўтамабіляў, у некаторых – дзеці. Пасля праверкі дакументаў інспектары абследавалі бяспечнае размяшчэнне ў аўто непаўналетніх.

– Перавозка дзяцей да дванаццаці гадоў павінна ажыццяўляцца з выкарыстаннем дзіцячых утрымліваючых прыладаў, якія адпавядаюць вазе і росту дзіцяці, або бустара, спецыяльных падушак, дадатковых сядзенняў, якія дазваляюць бяспечна прышпіліць дзіця з дапамогай рамянёў бяспекі, – нагадваў вадзіцелям і ўручаў памяткі інспектар Андрэй Іскра. – Можна перавозіць дзяцей і без выкарыстання дадзеных прыстасаванняў у выпадку, калі рост дзіцяці вышэйшы за 150 сантыметраў.

Да рэйдавай групы наблізілася машына таксі.

– Усё, што зараз тлумачыў папярэдняму вадзіцелю, датычыцца і перавозкі дзяцей у таксі, – дадаў Андрэй Анатольевіч.

Нягледзячы на тое, што дадзенае патруляванне праходзіла ў пазітыўным ключы, супрацоўнікі ДАІ ўсё ж папярэдзілі, што за невыкарыстанне дзіцячага ўтрымліваючага прыстасавання ў выпадках, калі яно абавязкова павінна быць, вадзіцелі транспартных сродкаў могуць быць прыцягнуты да адміністрацыйнай адказнасці ў выглядзе папярэджання або штрафу ў памеры да 4 базавых велічыняў, у выпадку паўторнага парушэння на працягу года – ад 2 да 8 базавых велічыняў.

Дарослыя, памятайце, што ў пытаннях бяспекі дробязяў не бывае, а памылкі абыходзяцца потым занадта дорага. Не забывайце, што самы каштоўны груз у аўтамабілі – гэта якраз вашы маленькія пасажыры, а іх здароўе і жыццё – ваш галоўны прыярытэт.

****

У прафілактычны дзень супрацоўнікі ДАІ адправіліся і ва ўстановы адукацыі горада, каб у чарговы раз нагадаць навучэнцам і дашкольнікам аб выкананні правілаў дарожнага руху.

Ірына КАМАРОВА

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga

administrator

Recent Posts

Библиотека как навигатор памяти

В областной научной библиотеке имени Е.Ф. Карского прошёл областной библиотечный форум «Культура в памяти, память в…

14 минут ago

Гаспадарскі падыход. Дзе ў Дзятлаве новы мост?

Незвычайны арт-аб’ект быў узведзены на вуліцы Чырвонаармейскай побач з кінатэатрам “Спадарожнік” сіламі работнікаў Дзятлаўскага РУП…

40 минут ago

Незабыўныя старонкі ваенных гадоў. Упэўнены, што перапісаць гісторыю не атрымаецца

25 чэрвеня дэлегацыя Дзятлаўскага раёна на чале са старшынёй райвыканкама Андрэем Садоўскім і старшынёй раённага…

1 час ago

Изменение подходов и новые инициативы. Василий Герасимов об ожидаемых результатах Форума регионов

Какие результаты приносит Форум регионов и какие планы на этот год, рассказал журналистам председатель Комитета…

2 часа ago

Аб выніках праверкі

Камітэтам дзяржаўнага кантролю Гродзенскай вобласці пры праверцы аднаго з раённых упраўленняў капітальнага будаўніцтва, якое выконвае…

2 часа ago

Прафарыентацыя. Школьнікам – пра сучасныя СМІ

Акунуліся ў свет сучаснай журналістыкі выхаванцы летніка “Расток” сярэдняй школы № 3 горада Дзятлава імя…

2 часа ago