З 1 красавіка мост праз раку Шчару на 30-м кіламетры аўтадарогі Р-142 Зэльва – Дзярэчын – Мядзвінавічы закрыты на рэканструкцыю. Жыхары Дзятлаўшчыны пацікавіліся ў рэдакцыі газеты “Перамога”, якім шляхам можна аб’ехаць перашкоду.
Падрабязная інфармацыя на гэты конт падаецца ў тэлеграм-канале Гродзенскага аблвыканкама:
“З 1 красавіка 2025 года плануецца пачатак выканання капітальнага рамонту моста праз раку Шчару на 30-м кіламетры аўтадарогі Р-142 Зэльва – Дзярэчын – Мядзвінавічы, які знаходзіцца на мяжы Мастоўскага і Дзятлаўскага раёнаў.
Будуць выкананы работы па рамонце маставога палатна, пралётных збудаванняў, апор і падыходаў да штучнага збудавання. Праектам прадугледжана забеспячэнне бяспечных умоў руху транспарту і пешаходаў.
Для скарачэння тэрміну будаўніцтва і павышэння якасці будаўніча-мантажных работ з 1 красавіка па 1 снежня 2025 года будзе спынены рух па дадзеным мосце. Аб’езд прадугледжаны па мясцовых аўтамабільных дарогах”.
Згодна са схемай, з Дзятлаўскага раёна на Масты неабходна рухацца з боку вёскі Мядзвінавічы праз Руду Яварскую, Гуту, Навасёлкі, Руду Ліпічанскую, Галубы. Варта ўлічваць, што аб’язная дарога і час на яе праезд павялічаны ў два разы. Вытворцы работ прыносяць прабачэнне за часовыя нязручнасці.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
