Што адрознівае культурнага чалавека? Ветлівасць, павага да людзей, разважлівасць ва ўчынках, а яшчэ – няўхільнае выкананне агульнапрынятых у грамадстве нормаў і законаў.
У апошнім пункце ў многіх дзятлаўчан здараецца “пракол”. І паўтараецца гэты цікавы інцыдэнт у самым цэнтры Дзятлава, непадалёку ад скрыжавання вуліц Міцкевіча і Савецкай.
Ёсць тут святлафор з чатырма пешаходнымі пераходамі, крыху далей – яшчэ два пераходы да аддзялення паштовай сувязі і жылога сектара. Аднак, чым ісці ад аўтастаянкі на супрацьлеглым баку дарогі, некаторым прасцей на хвіліначку “забыць” аб правілах дарожнага руху і скараціць шлях, рухаючыся наўпрост. Не спыняе нават дэкаратыўны борцік з кветнікам, праз які са прытам спартсменаў перамахваюць не толькі дзеці і падлеткі, але дарослыя людзі і нават грамадзяне паважанага ўзросту.
Аналагічная сітуацыя, толькі без агароджы, адбываецца на суседняй вуліцы Міцкевіча, дзе нярэдка пешаходы-парушальнікі не даходзяць да вызначанага законам месца пераходу, а “зрэзваюць” шлях ад рынку да аптэкі. Адны, пераходзячы, хоць аглядваюцца на аўтамабілістаў, а ёсць і такія, хто выбягае на дарогу, як уздумаецца, правакуючы аварыйную сітуацыю.
На жаль, гэта праблема не аднаго дня, адэкватнага вырашэння якой пакуль не знойдзена. Паставіць высокую агароджу – немагчыма на скрыжаванні, каторы раз заклікаць да сумлення – не надта дапамагае.
Адзінае, чым можна напалохаць несанкцыянаваных хадакоў, гэта штраф за парушэнне правілаў дарожнага руху, калі “пападуцца” інспектарам ДАІ. Падрабязней пра гэта расказаў старшы дзяржаўтаінспектар міжраённага аддзела ДАІ па абслугоўванні Слонімскага, Дзятлаўскага і Зэльвенскага раёнаў Алег Ляўкевіч:
– За тое, што грамадзяне пералазяць праз агароджу, вядома, не прадугледжана пакаранне, аднак за перасячэнне праезнай часткі па-за пешаходным пераходам у межах яго бачнасці – штраф да 3 базавых велічыняў, а калі парушальнік знаходзіцца ў стане алкагольнага ап’янення – да 5.
З 1 студзеня 2024 года базавая велічыня складае 40 беларускіх рублёў. Вось і палічыце, перш чым пераходзіць дарогу напрамкі, на колькі “схуднее” ваш кашалёк.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…