Хрыстос уваскрос! Сапраўды ўваскрос! Гэтымі словамі велікоднага прывітання ўсіх вас вітаю і віншую са святам Пасхі Хрыстовай. Уваскрасэнне Божага Сына паказвае нам Божую мудрасць, якую павінен зразумець і прыняць сённяшні свет. Сын Божы прыйшоў у свет, дзе дамінуюць грэх і смерць. Аднак ён прыйшоў, каб знаходзіцца сярод смерці і няшчасцяў як жыццё свету.
Сапраўды, добрая навіна ёсць у тым, што праўда Хрыстова несмяротная. У святле праўды Уваскрэсення нам, дарагія браты і сёстры, неабходна памятаць аб несмяротнасці Хрыстовай праўды і ніколі не адмаўляцца ад яе, нават калі іншыя адмаўляюцца, бо праўда заўсёды застаецца праўдай, як мы верым у тое, што сонца ёсць і свеціць, нават калі за хмарамі яго не відно, так нам трэба верыць, што праўда Хрыстова існуе, і з ёй трэба лічыцца.
Дарагія браты і сёстры, усе людзі добрай волі! Ад усяго сэрца віншую вас з радасным і збаўчым святам Пасхі Хрыстовай. Езус сваёй крыжовай смерцю і слаўным Уваскрэсеннем збавіў усіх людзей, і таму наша радасць мае права быць супольнай. Усім вам жадаю моцы Уваскрэслага, жадаю радасці, шчасця і надзеі. Няхай радаснае “Алелюя” гучыць у нашых сэрцах і душах, няхай закране кожнага чалавека, няхай адорыць яго новым жыццём ва ўскрэслым Хрысце!
З малітвай ксёндз-пробашч Здзіслаў ПІКУЛА парафіі Унебаўзяцця Найсвяцейшай Панны Марыі ў Дзятлаве
Водные игры в необорудованных и несанкционированных местах крайне опасны. Непроверенное дно, скрытые коряги, водовороты и…
16 ліпеня з 14.30 да 16.30 у будынку Казлоўшчынскага сельвыканкама выязны прыём грамадзян правядзе начальнік…
9 ліпеня член Савета Рэспублікі Нацыянальнага сходу Рэспублікі Беларусь, дэпутат Гродзенскага абласнога Савета дэпутатаў Андрэй…
Пад такой назвай у Дзятлаўскай раённай бібліятэцы 9 ліпеня прайшоў дыялог пакаленняў, прысвечаны дню вызвалення…
Аляксандр Бургун, ваенны камісар Дзятлаўскага раёна: – У Дзень Перамогі мы ўзгадваем продкаў, якія адстаялі…
9 ліпеня каля помніка Героям Савецкага Саюза Яну Фогелю і Паўлу Пятрову ў гарадскім парку…