Ветэраны вайны ў пасляваенны час былі работнікамі самых мірных і вельмі патрэбных прафесій: настаўнікамі, медыкамі, журналістамі, работнікамі культуры, узначальвалі прамысловыя і сельскагаспадарчыя прадпрыемствы.
Пасля вайны жыў і працаваў на Дзятлаўшчыне Іван Фёдаравіч Хацько, былы франтавік. Нарадзіўся ён у 1914 годзе.
Вестка аб вераломным нападзе гітлераўцаў на нашу краіну Івана Фёдаравіча застала ва Львове, дзе ў той час ён займаўся на курсах камандзіраў. І адразу са сваімі аднакурснікамі ён ўступіў у бой, дапамагаючы пагранічнікам стрымліваць шалёны націск фашыстаў. Але пасля упартых баёў давялося адступіть перад пераважаючымі сіламі праціўніка.
Восенню 1941 года са спецгрупай палітычнага вучылішча, якая ўваходзіла ў склад 23-й арміі, Іван Фёдаравіч Хацько ваяваў ў раёне Тулы. У якасці палітрука танкавай роты ў складзе 3-га асобнага танкавага батальёна 10-ай стралковай дывізіі ўдзельнічаў у ваенных аперацыях у раёне Запаляр’я. За праяўленную мужнасць і гераізм атрымаў першую сваю ўзнагароду – медаль “За вызваленне савецкага Запаляр’я”.
У 1943 годзе Іван Фёдаравіч быў залічаны ў склад аднаго з палкоў 5-ай гвардзейскай танкавай арміі. З гэтым ваенным злучэннем ён і прайшоў да канца вайны.
Танкавая рота пад камандаваннем І.Ф.Хацько за перыяд баявых дзеянняў на Курскай дузе падбіла 18 танкаў, падавіла 4 зенітныя ўстаноўкі, знішчыла шмат іншай тэхнікі і жывой сілы фашыстаў. За асабісты гераізм камандзір Іван Хацько быў ўзнагароджаны ордэнам Чырвонага Сцяга.
Іван Фёдаравіч ваяваў у Правабярэжнай Украіне, удзельнічаў у разгроме фашыстаў пад Мінскам, у вызваленні Баранавічаў, Слоніма, Брэста.
Доўгачаканы дзень Перамогі сустрэў на Эльбе, быў камандзірам танкавага батальёна.
Быў ўзнагароджаны яшчэ адным ордэнам Чырвонага Сцяга, ордэнам Айчыннай вайны І ступені, медалью “За ўзяцце Кёнігсберга”.
Пасля вайны Іван Фёдаравіч Хацько працаваў старшынёй праўлення Дзятлаўскага сельпо, старшынёй праўлення калгаса 1-га Мая (в. Жукоўшчына), старшынёй выканкама Дзятлаўскага с/с. На пенсіі актыўна ўдзельнічаў ў грамадскім жыцці раёна.
Дакументы і асабістыя рэчы Хацько І.Ф. прадстаўлены ў экспазіцыі Дзятлаўскага музея.
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#музей #ВОВ #ветеран
