У гімназіі № 1 горада Дзятлава прайшоў Адзіны дзень інфармавання, прысвечаны развіццю адукацыйнага турызму ў нашым раёне, у час якога былі вызначаны напрамкі развіцця гэтай сферы і пастаўлены задачы на 2024 год.
У мерапрыемстве прынялі ўдзел спецыялісты сектара спорту і турызму, аддзела адукацыі райвыканкама, раённага турыстычнага інфармацыйнага цэнтра, намеснікі дырэктара па выхаваўчай рабоце школ раёна.
Размову аб развіцці адукацыйнага турызму распачала галоўны спецыяліст сектара спорту і турызму Наталля Калодка, якая адзначыла вялікі прагрэс у гэтым напрамку: калі яшчэ дзесяцігоддзе назад экскурсійныя паездкі былі нячастымі, то сёння гэта неад’емная частка педагагічнай работы. Па яе словах, вялікі патэнцыял для развіцця адукацыйнага турызму мае і наша родная Дзятлаўшчына.
– Задача на перспектыву для нас усіх – зрабіць наш раён вядомым на ўзроўні рэспублікі, – падзялілася задумкамі Наталля Яўгенаўна. – Бліжэйшыя планы – стварэнне і ўдасканаленне экскурсійных маршрутаў (у тым ліку адукацыйных) і ўкараненне іх у выхаваўчы працэс навучальных установаў раёна.
Акрамя існуючых чатырох турыстычных напрамкаў, прысвечаных Дзятлаўшчыне гераічнай, загадкавай, незвычайнай, гасціннай, з’явіцца новы экалагічны маршрут “Зялёнымі сцяжынамі Ліпічанскай пушчы”, які будзе пазнавальным і карысным для вывучэння біялогіі ў школе.
Дырэктар раённага турыстычнага інфармацыйнага цэнтра Дзінара Харошка адзначыла, што школьнікі маюць магчымасць арганізаванымі групамі пад кіраўніцтвам педагогаў здзяйсняць экскурсіі па Дзятлаўшчыне, у арганізацыі якіх ім з радасцю дапамогуць супрацоўнікі цэнтра. Актуальную інфармацыю можна знайсці ў сацыяльных сетках установы.
Галоўны спецыяліст аддзела адукацыі райвыканкама Алена Гарановіч нагадала, што 2024 год у нашай краіне юбілейны, ён прысвечаны 80-годдзю вызвалення Беларусі ад нямецка-фашысцкіх захопнікаў, а таму будзе насычаным акцыямі і падзеямі, у тым ліку ў сферы адукацыйнага турызму. Гэта і абмен вопытам паміж школьнымі музеямі, і ўдзел у раённых мерапрыемствах, найбліжэйшае з якіх – акцыя “Дзятлаўшчына гераічная”, якая стартуе 22 лютага.
Наталля АВЯРЧУК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…