На Дзятлаўшчыне завяршаецца падрыхтоўка да абласнога фестывалю творчасці маладых людзей з абмежаванымі магчымасцямі «Калі мы разам — мы мацнейшыя!». Мерапрыемства пройдзе ў пятніцу, 3 лістапада, у Дзятлаўскім цэнтры культуры і народнай творчасці.
У фестывалі прымуць удзел калектывы аддзяленняў дзённага знаходжання для інвалідаў тэрытарыяльных цэнтраў сацыяльнага абслугоўвання насельніцтва Гродзенскай вобласці.
Штогод месца абласнога фестывалю мяняецца. У 2017 годзе эстафету перанялі дзятлаўчане: гаспадарамі пляцоўкі будуць Цэнтр сацыяльнага абслугоўвання насельніцтва Дзятлаўскага раёна і аддзяленне дзённага знаходжання для людзей з абмежаванымі магчымасцямі «Праменьчык». Паколькі свята сёлета пройдзе ў фармаце «Еўрабачання», кожнае з аддзяленняў вобласці будзе прадстаўляць пэўную краіну. «Праменьчык» на правах гаспадара прадставіць Беларусь.
У час фестывалю дапамагаць людзям з абмежаванымі магчымасцямі будуць валанцёры, для якіх у сярэдняй школе №3 горада Дзятлава ладзілася вучоба. У ліку валанцёраў — спецыялісты Дзятлаўскага раённага цэнтра карэкцыйна-развіваючага навучання і рэабілітацыі, Дашкольнага цэнтра развіцця дзіцяці №2 горада Дзятлава, раённай бібліятэкі, раённага камітэта ГА «БРСМ», навучэнцы сярэдняй школы №3 горада Дзятлава. Кожную дэлігацыю ўдзельнікаў будуць апякаць адзін дарослы і два юных валанцёры. Яны ўжо дасведчаны, як правільна прапаноўваць сваю дапамогу і дзейнічаць у непрадбачаных сітуацыях.
І. КАЎКЕЛЬ
Як дружна пырснулі сады,Закалыхаліся пад ветрам.Ляціць над светам пах такі,Што аж звініць вакол паветра.І з…
7 мая Міжнародны алімпійскі камітэт зняў усе абмежаванні з беларускіх спартсменаў, такім чынам адкрыўшы ім…
Напярэдадні 9 Мая ў рамках мерапрыемстваў у падтрымку дзіцяча-юнацкага футбола ў Рэспубліцы Беларусь Дзятлаўшчыну наведаў…
Дыялогавая пляцоўка пад такой назвай прайшла ў гімназіі № 1 горада Дзятлава. Пагаварылі пра тое,…
Член Пастаяннай камісіі Савета Рэспублікі па эканоміцы, бюджэце і фінансах, начальнік галоўнага фінансавага ўпраўлення Гродзенскага…