Дзень ведаў у Лявонавіцкай школе

1 верасня ў Лявонавіцкім дзіцячым садзе – базавай школе прайшла ўрачыстая лінейка, прысвечаная пачатку навучальнага года і Дню ведаў.

З віншаваннямі выступілі дырэктар школы А. П. Калнацкая, былыя выпускнікі, ганаровыя госці свята: прадстаўнік Грамадскага аб’яднання “Беларуская асацыяцыя “Конкурс” Л. П. Шалесны, першы сакратар Дзятлаўскага РК ГА “БРСМ” К. У. Хілімончык.

Пасля ўрачыстай лінейкі госці былі запрошаны на першы ўрок “Мне выпала шчасце тут нарадзіцца” і быў прысвечаны Году малой радзімы.

Першы навучальны дзень прайшоў з бадзёрым настроем і шчырымі ўсмешкамі.