Любы ўладальнік прыватнага ўчастка хоча добраўпарадкаваць тэрыторыю так, каб акружыць сябе камфортам і выгодамі.
Зразумела, што побач з домам з’яўляюцца альтанка, гараж, лазня… Здавалася б, зямля мая – распараджаюся ёю, як хачу. Але законам прадугледжана адказнасць за самавольныя будынкі без дазволу мясцовага выканаўчага і распарадчага органа.
Высвятляем, як зрабіць па правілах, у галоўнага спецыяліста аддзела па юрыдычнай рабоце, зваротах грамадзян і юрыдычных асобаў райвыканкама, кіраўніка службы “адно акно” Станіславы Ганчар:
– Якія будынкі на прысядзібным участку можна аднесці да гаспадарчых пабудоваў?
– Аднапавярховыя будынкі і збудаванні нежылога прызначэння для абслугоўвання домаўладання і зямельнага ўчастка. Гэта могуць быць, напрыклад, хлеў, лазня, навес, гараж і іншыя.
– Што неабходна, каб узвесці гаспадарчую пабудову на сваім участку?
– Парадак узвядзення гаспадарчых пабудоваў спрошчаны ў Беларусі са снежня 2022 года. Дадзенае рашэнне замацавана ўказам Прэзідэнта Рэспублікі Беларусь ад 13 чэрвеня 2022 года № 202.
Жыхарам сельскіх населеных пунктаў раёна (за выключэннем горада Дзятлава, гарпасёлкаў Казлоўшчына і Наваельня) для будаўніцтва гаспадарчых пабудоваў на ўчастку, прадастаўленым для будаўніцтва і абслугоўвання аднакватэрнага жылога дома, спатрэбіцца толькі дакумент, які сведчыць права на зямельны ўчастак. Пры гэтым павінна быць выканана наступная ўмова: адлегласць ад межаў суседняга (сумежнага) зямельнага ўчастка да жылога дома павінна складаць не менш за тры метры, нежылых капітальных пабудоваў – не менш за два метры.
На зямельным участку, прадастаўленым для будаўніцтва і (або) абслугоўвання аднакватэрнага жылога дома ў горадзе Дзятлаве, гарпасёлках Казлоўшчына, Наваельня, на падставе пашпарта забудоўшчыка (яго кошт складае 25 базавых велічыняў, вырабляецца мясцовым выканаўчым і распарадчым органам па заяве грамадзяніна) узвядзенне гаспадарчых пабудоваў можна ажыццяўляць па рашэнні райвыканкама аб дазволе на праектаванне, будаўніцтва і рэканструкцыю, узгодненага праекта і з наступнай здачай у эксплуатацыю пасля завяршэння будаўнічых работ.
– А калі гэта ўчастак з блакіраваным жылым домам?
– У дачыненні да пабудоваў, размешчаных на зямельным участку, прадастаўленым для будаўніцтва і (або) абслугоўвання блакіраванага жылога дома, гэты ўказ не распаўсюджваецца.
– Як атрымаць дазвольную дакументацыю і што рабіць далей?
– Звярнуцца ў службу “адно акно” Дзятлаўскага райвыканкама па адрасе: г. Дзятлава, вул. Чырвонаармейская, 21 (уваход з тарца) з заявай, у якой трэба вызначыць месцазнаходжанне зямельнага ўчастка і аб’екты нерухомасці на ім, плануемыя параметры і тэхнічныя характарыстыкі гаспадарчых пабудоваў, а таксама параметры тэхнічнага абсталявання (калі такое плануецца).
Пасля падачы заявы райвыканкам самастойна ажыццяўляе ўсю неабходную работу, звязаную з атрыманнем дазвольнай дакументацыі. Яна выдаецца заяўніку на працягу аднаго месяца.
А таксама ў “адным акне” далей растлумачым заяўніку, як узгадніць праект, вырабіць увод у эксплуатацыю збудаваных будынкаў, калі гэта патрабуецца заканадаўствам.
Ірына КАМАРОВА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga