Дапамаглі міліцыі раскрыць злачынства

Давер насельніцтва, дапамога мясцовых жыхароў у папярэджанні і раскрыцці правапарушэнняў вельмі важныя для паспяховай работы ахоўнікаў правапарадку. Вось і нядаўна такое супрацоўніцтва дало плён у рабоце міліцыі. На працоўнай нарадзе ў прысутнасці асабовага саставу Дзятлаўскага райаддзела міліцыі жыхарам аграгарадка Гезгалы Наталлі Васільеўне Вітко і Аляксандру Аляксандравічу Адамчыку (камандзіру добраахвотнай дружыны пры Жукоўшчынскім сельскім савеце) былі ўручаны грашовыя прэміі за аказанае садзеянне органам унутраных спраў пры раскрыцці асабліва цяжкага злачынства.

А здарылася гэта так. У адзін з вечароў на пульт аператыўна-дзяжурнай службы аддзела ўнутраных спраў Дзятлаўскага райвыканкама паступіла паведамленне ад работнікаў «хуткай дапамогі». Медыкі расказалі, што дапамаглі грамадзяніну, у якога дыягнаставалі пералом нагі. Траўму, па словах пацыента, яму нанеслі, гэта значыць, здарэнне мела крымінальны характар.

У бальніцу накіраваліся супрацоўнікі міліцыі і раённага аддзела Следчага камітэта Рэспублікі Беларусь. У час размовы з імі пацярпелы, які знаходзіўся ў стане алкагольнага ап’янення, даваў блытаныя паказанні. Аднак стала зразумела, што напалі невядомыя, пабілі і забралі прадукты харчавання.

Агляд месца здарэння, іншыя праведзеныя тэрміновыя аператыўна-вышукавыя і следчыя мерапрыемствы не пацвердзілі праўдзівасці словаў пацярпелага. Міліцыя прадоўжыла высвятляць абставіны здарэння. Тады на дапамогу праваахоўнікам прыйшлі жыхары аграгарадка Гезгалы Наталля Васільеўна Вітко і Аляксандр Аляксандравіч Адамчык. Яны расказалі пра акалічнасці здарэння, аднавілі малюнак падзеяў, з чым пазней поўнасцю пагадзіўся пацярпелы.

Аказалася, што тым вечарам мужчына сустрэў свайго раней судзімага знаёмага. У пацярпелага ў руках была бутэлька піва, якое захацеў пакаштаваць суразмоўца. У час распіцця алкагольнага напою паміж імі пачалася сварка. Агрэсар ударыў пацярпелага нагою па назе, прычыніўшы цяжкія цялесныя пашкоджанні. Па факце здарэння была ўзбуджана крымінальная справа з катэгорыі «асабліва цяжкіх» па артыкуле 202 частка 3 Крымінальнага кодэкса Рэспублікі Беларусь — разбой, учынены з нанясеннем цяжкага цялеснага пашкоджання. Такім чынам, дзякуючы ўважлівасці і неабыякавасці грамадзян, выявілася праўда. Дзятлаўская міліцыя ўдзячна Наталлі Васільеўне і Аляксандру Аляксандравічу за дапамогу ў высвятленні абставінаў здарэння.

А. ЗЕНАЎ,

першы намеснік начальніка АУС Дзятлаўскага райвыканкама

administrator

Recent Posts

Александр Лукашенко в Бресте поставил задачи на уборочную кампанию

Президент Беларуси Александр Лукашенко во время рабочей поездки в Брест актуализировал задачи для аграриев на…

3 часа ago

У ААТ “Дварэц-Агра” – першыя на Дзятлаўшчыне камбайнеры-тысячнікі!!! (будзе дапоўнена)

Другі год запар ААТ “Дварэц-Агра”, падшэфнае сельгаспрадпрыемства ААТ “Молочный Мир”, трымае пальму першынства на жніве…

4 часа ago

Іншаземкі прыжыліся на Дзятлаўшчыне

КСУП “Хвінявічы” славіцца высокімі паказчыкамі ў жывёлагадоўлі, нязменна знаходзячыся ў лідарах раёна па надоях, прывагах…

21 час ago

Каб “золата” з хлебнай нівы было вышэйшай якасці

Гудуць магутныя машыны, высыпаючы з прычэпаў зярняты. Яны льюцца хуткай плынню, горамі ўзвышаюцца на збожжатаку…

22 часа ago

Вблизи белорусско-литовской границы задержан мужчина с беспилотником

Гродненские пограничники задержали мужчину с беспилотником кустарного производства. Об этом БЕЛТА проинформировали в Госпогранкомитете. Вблизи…

1 день ago

Юрий Караев представил активу Слонимского района нового руководителя

На 30-й внеочередной сессии районного Совета депутатов в должности председателя Слонимского райисполкома утверждён Виталий Шулейко,…

1 день ago