Штогод у час летняга адпачынку навучэнцы гімназіі № 1 г. Дзятлава з задавальненнем наведваюць розныя рэспубліканскія экскурсійныя аб’екты.
3 лістапада 2022 года мы будзем адзначаць 140-годдзе з дня нараджэння беларускага песняра Я. Коласа, менавіта таму на гэты раз выбралі Дзяржаўны літаратурна-мемарыяльны музей імя Я. Коласа.
Непадалёку ад ажыўленага праспекта Незалежнасці, за манументальным гмахам Нацыянальнай Акадэміі навук Беларусі, у ціхім падворку, дзе вядуць гамонку з небам хвоі, якія шмат бачылі на сваім вяку, стаіць невялікі ўтульны дом. Тут на працягу апошніх гадоў свайго жыцця працаваў Якуб Колас – славуты майстар мастацкага слова, грамадскі дзеяч, вучоны, адзін са стваральнікаў сучаснай беларускай літаратурнай мовы. У музеі зберагаецца гісторыя жыцця і творчасці класіка, клапатліва захоўваецца рабочы кабінет, гасцёўня, сталовая паэта, яго асабістыя рэчы і бібліятэка.
Экскурсавод падрабязна і вельмі цікава распавяла пра творчасць паэта, яго жыццёвы шлях. Дзеці пачулі ўрыўкі з любімых твораў Якуба Коласа. Сустрэча была захапляльнай і пазнавальнай.
Напрыканцы экскурсіі дзеці дакрануліся да жывой памяці аб Я. Коласе, да чатырох дубоў, пасаджаных самім паэтам у гонар сваёй сям’і ў 1945-1947 гг. Чаму чатыры? Вядома, што ў Якуба Коласа было тры сына: Даніла, Юрый, Міхась. А вось у цэнтры пляцоўкі доўгі час радавала вочы наведвальнікаў прыгожая бярозка, пасаджаная паэтам у памяць аб сваёй жонцы Марыі Дзмітрыеўне. На жаль, да сённяшніх дзён дрэва не захавалася.
Атмасфера дома-музея аб’яднала мінулае пакаленне і сучаснае. Дала магчымасць гімназістам пераасэнсаваць свае адносіны да беларускай літаратуры, натхніла на творчыя пошукі.
Аксана Ванчук,
настаўнік беларускай мовы і літаратуры
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
На Зецельскім фэсце гуляе народ,На плошчы вясёлы вядзе карагод,Танцуе, спявае і славіць сям’ю,А хтосьці газеце…
Пад кіраўніцтвам старшыні райвыканкама Андрэя Садоўскага з удзелам старшыні раённага Савета дэпутатаў Аляксандра Бараноўскага прайшло…
Под зарплатой «в конверте» принято понимать незаконную форму оплаты труда, при которой часть или весь…
Другі раз запар у Беларусі прайшоў рэспубліканскі міжведамасны адукацыйны праект “Запусці сэрца”, арганізатарамі якога выступаюць…
У рамках месячніка Таварыства Чырвонага Крыжа ў Дзятлаве адбылося ўрачыстае ўручэнне пасведчанняў новым валанцёрам аб’яднання.…
Президент Беларуси Александр Лукашенко на заседании Высшего Евразийского экономического совета назвал базовые цели ЕАЭС, передает корреспондент БЕЛТА. "Реагировать…