Чаго чакаем ад Года якасці?

2024 год указам Прэзідэнта Рэспублікі Беларусь Аляксандра Лукашэнкі афіцыйна абвешчаны Годам якасці.

Чаго жыхары Дзятлаўшчыны чакаюць ад надыходзячага года?

Аляксандр Дубовік, старшыня Дзятлаўскага раённага аб’яднання прафсаюзаў:

– Упэўнены, што такое рашэнне прынята кіраўніком дзяржавы для павышэння якасці жыцця беларусаў, забеспячэння канкурэнтаздольнасці на сусветнай арэне нацыянальнай эканомікі Рэспублікі Беларусь, стымулявання ініцыятывы, фарміравання ў грамадстве пачуцця дачынення да будучыні краіны і адказнасці за вынікі сваёй працы.

У рамках Года якасці Федэрацыя прафсаюзаў Беларусі зробіць акцэнт на некалькіх момантах. Па-першае, прафсаюзы ўсіх узроўняў будуць удасканальваць практыку аператыўнага рэагавання на праблемы, якія ўзнікаюць у працоўных калектывах. Таксама мы зробім усё магчымае, каб у Дзятлаўскім раёне чалавек працы мог выконваць сваю работу з поўнай аддачай для вытворчасці якаснай прадукцыі.

Па-другое, у пярвічных прафсаюзных арганізацыях прадоўжыцца работа па стварэнні ўмоваў для раскрыцця патэнцыялу работнікаў, маладых спецыялістаў. Школа настаўніцтва павінна і будзе працаваць не на словах, а на справе.

Па-трэцяе, будзе нададзена асаблівая ўвага росту якасці жыцця членаў прафсаюза. Гэта і адпачынак у прафсаюзных здраўніцах, і здаровае харчаванне, і дастойная адукацыя, і своечасовая дыспансерызацыя, і культурнае баўленне часу, і многае іншае.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga