Асцярожна: дачныя злодзеі

У многіх жыхароў Дзятлаўшчыны ёсць дача ці хата ў вёсцы, якая засталася ў спадчыну, дзе прыемна бавіць час з сям’ёй.

Аднак не варта забываць, што такая нерухомасць, асабліва ў маланаселеных мясцінах, у час адсутнасці гаспадароў прываблівае злодзеяў.

Як прыклад, адзін з апошніх выпадкаў, які здарыўся сёлета ў студзені-лютым. З нежылога дома, пакінутага ў спадчыну, зламыснікі скралі тэлевізар, халадзільнік, адзенне і іншую маёмасць на суму каля 440 рублёў.

Каб засцерагчы сябе ад падобных супрацьпраўных замахаў, варта прытрымлівацца простых мераў бяспекі:

– пастаўце надзейныя замкі, перыядычна іх абнаўляйце і ўмацоўвайце, усталюйце металічныя рашоткі на вокны;

– абгарадзіце ўчастак па перыметры;

– асабліва каштоўныя рэчы заўсёды забірайце з дачы дамоў;

– папрасіце суседзяў прыглядаць за вашым участкам і паведамляць, што там адбываецца;

– прыязджайце на дачу як мага часцей, наводзьце парадак на прысядзібнай тэрыторыі, каб было відаць, што дом жылы;

– карыстайцеся паслугамі Дэпартамента аховы Рэспублікі Беларусь.

Вольга ЖЫБКО,
следчы раённага аддзела Следчага камітэта

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga