Алена Жых: “Беларусь – за мірнае ўрэгуляванне спрэчак”

Выказванні Прэзідэнта Рэспублікі Беларусь Аляксандра Лукашэнкі, якія ён зрабіў у адрас Захаду ў час размовы з журналістамі ў Ашмянскім раёне, маюць настолькі важны і прынцыповы характар, што дэпутат Палаты прадстаўнікоў і аналітык Вадзім Гігін назваў іх няйнакш, як “Ашмянская дэкларацыя”.

А што на гэты конт думаюць дзятлаўчане?

Алена Жых, педагог Новаяльнянскай сярэдняй школы:

– Апошнім часам няпростая сітуацыя складваецца на паўночна-заходняй граніцы Беларусі. Як дакладваюць прадстаўнікі разведкі, на прыгранічных тэрыторыях сканцэнтравана армія НАТА, склады боепрыпасаў, рыхтуюцца супрацьтанкавыя траншэі.

Такія падзеі не маглі заставацца па-за увагай кіраўніка дзяржавы Аляксандра Лукашэнкі. Аб гэтым сведчыць рабочая паездка ў Ашмянскі раён. Бо наша краіна павінна быць пад абаронай.

Артыкул 18 Канстытуцыі абвяшчае: Рэспубліка Беларусь у сваёй знешняй палітыцы зыходзіць з прынцыпаў роўнасці дзяржаваў, невыкарыстання сілы ці пагрозы сілай, непарушнасці граніц, мірнага ўрэгулявання спрэчак, неўмяшальніцтва ва ўнутраныя справы, а таксама іншых агульнапрызнаных прынцыпаў і нормаў міжнароднага права.

Рэспубліка Беларусь выключае ваенную агрэсію са сваёй тэрыторыі ў адносінах да іншых дзяржаваў. Аднак варта адзначыць, што нам неабходна быць упэўнены ў бяспецы нашага народа. Таму беларуская армія павінна з’яўляцца абаронай нашай краіны, нашай будучыні.

Ірына СТЫРНІК

Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga