Адбылася важная падзея палітычнага жыцця Беларусі – цырымонія заступлення на пасаду зноў выбранага Прэзідэнта Рэспублікі Беларусь Аляксандра Лукашэнкі.
Інаўгурацыя праходзіла ў Палацы Незалежнасці, і за ёй у прамым эфіры сачылі мільёны беларусаў.
Сваім уражаннем падзялілася першы сакратар раённага камітэта ГА “БРСМ” Кацярына Хілімончык:
– Як заўжды, у час выступлення Аляксандр Рыгоравіч агучыў шмат значных пасылаў для беларускага народа. Упэўнена, што для нашых суайчыннікаў надзвычай актуальным было абяцанне Прэзідэнта наконт таго, што па-ранейшаму галоўнымі прыярытэтамі яго дзейнасці застануцца нацыянальныя інтарэсы, бяспека краіны і людзей.
Для нас, жыхароў невялікага райцэнтра, прыемна было пачуць, што прадоўжаны курс на далейшае развіццё рэгіёнаў, кожнага кутка Беларусі. Лічу, што гэта актуальна і для моладзі, якая прыходзіць у сельскія прафесіі або застаецца жыць і працаваць на малой радзіме. Выдатна, што ёсць магчымасць забяспечыць эфектыўнае для дзяржавы і зручнае для людзей размеркаванне працоўных месцаў па ўсёй тэрыторыі рэспублікі.
Яшчэ радуе, што ў Беларусі рэалізуецца маштабная праграма даступнага арэнднага жылля, якая цяпер будзе “прывязана” да новых рабочых месцаў. Упэўнена, што гэта паспрыяе і паляпшэнню дэмаграфічнай сітуацыі, стане грунтоўнай дапамогай маладым сем’ям з дзецьмі. Калі сям’я работнікаў хутка атрымліваць свае жылыя метры, ёсць гарантыя, што такія спецыялісты замацуюцца ў арганізацыях ці на прадпрыемствах.
Безумоўна, было вельмі прыемна пачуць ад Аляксандра Рыгоравіча прызнанне аб тым, што ні ў аднаго лідара дзяржавы няма такіх працавітых і надзейных людзей, як беларусы, і што ён лічыць сябе шчаслівым Прэзідэнтам.
Зразумела, што на шляху ў будучыню ў наш неспакойны час беларусаў чакае шмат выклікаў і выпрабаванняў, аднак верыцца, што мы справімся, бо ўжо сталі вопытнай нацыяй, на чале якой стаіць мудры лідар.
Ірына СТЫРНІК
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#Дятловщина #нашалепшае #нашелучшее #Президент #власть
