Весела, звонка, цёпла і красачна прайшла забава “Падарожжа ў краіну дзяцінства”, прысвечаная Дню абароны дзяцей у рознаўзроставай групе Вензавецкага дзіцячага сада-сярэдняй школы.
У час свята выхаванцы з песняй і добрым настроем вандравалі на паравозіку “Букашка” па казачнай краіне дзяцінства. На кожным прыпынку дзяцей чакала цікавае заданне: на “Гульнявым” – беларускія народныя гульні, на “Танцавальным” – флэшмоб “Рабі як я”, прыпынак “Спартыўны” сустрэў дзяцей вясёлай эстафетай.
Якое свята без вясёлых песень, розыгрышаў і забаўных малюнкаў. Свае ўражанні ад мерапрыемстваў маленькія мастакі намалявалі на асфальце.
Лета толькі пачалося, а наперадзе дзяцей чакае яшчэ шмат цікавых прыгодаў.
Дзеці – наша будучыня. Клопат аб іх кожны дзень, кожную гадзіну і кожную хвіліну – вось дэвіз нашай установы. Мы пастараемся зрабіць усё, каб не расчараваць дзіцячыя сэрцы, каб летні адпачынак быў карысным, вясёлым, цікавым і незабыўным.
Жанна СВІБ,
выхавальніца Вензавецкага дзіцячага сада-сярэдняй школы
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
