Штогод у ліпені праваслаўная царква ўшаноўвае памяць святых князя Пятра і княгіні Фяўроніі Мурамскіх, якія з’яўляюцца заступнікамі шлюбу і сям’і. Гэтае свята прысвечана самым важным каштоўнасцям: сям’і, каханню і вернасці. Да Пятра і Фяўроніі звяртаюцца з просьбамі падарыць шчасце ў шлюбе. Маладажоны просяць у святых благаславення, а сямейныя людзі – дабрабыту.
У гэты святочны дзень благачынны цэркваў Дзятлаўскай акругі іерэй Іаан Кісель і старшая сястра сястрынства ў гонар блажэннай Ксеніі Пецярбургскай Алена Лукіянец павіншавалі сем’і прыхаджан горада Дзятлава з праваслаўным днём сям’і. Святар пажадаў ім кахання, вернасці і душэўнага міру, падарыў іконы святых заступнікаў сям’і, а таксама кветкі і салодкія пачастункі.
Святлана ГРЫШЫНА
