Многія людзі вераць, што купальская ноч – сапраўды чароўная.
Толькі ў гэтую ноч зацвітае папараць-кветка, і той, хто яе знойдзе, будзе шчаслівы. Вось і сёлета ў Раклевічах на Купалле сабраліся і дзеці, і дарослыя, каб адшукаць сваё шчасце – паўдзельнічаць у інтэрактыўнай гульнёвай праграме “У пошуках кветкі папараці”. Прысутнічалі на свяце і ганаровыя госці: кіраўнік спраў Дзятлаўскага райвыканкама Аляксандр Андруцэвіч і старшыня Дзятлаўскага сельскага савета Аляксандр Маркушэўскі.
Усё было ў гэты чароўны вечар: і песні, і карагоды каля купальскага вогнішча, і традыцыйныя народныя забавы. Для дзяцей працавалі атракцыёны, а моладзь весяліся на дыскатэцы.
***
Насычаная канцэртная праграма – тэатралізаваны паказ, сцэнкі, конкурсы чакала жыхороў аграгарадка Круцілавічы і навакольных вёсак. Пасля запальвання купальскага вогнішча ўсе весела і дружна сустрэлі летні світанак.
***
Каля возера ў гарадскім пасёлку Казлоўшчына таксама было шматлюдна.
Усе прысутныя змаглі ўбачыць старадаўнія традыцыі і сучасныя тэатралізаваныя канцэрты, а таксама паўдзельнічаць у вясёлых гульнях.
Цікава, ці многія знайшлі сваю папараць-кветку?.
Святлана ГРЫШЫНА
