На базе філіяла “Турысцка-аздараўленчы комплекс “Пышкі” Гродзенскага раёна адбылася абласная галіновая спартакіяда работнікаў культуры, інфармацыі, спорту і турызму.
Актыўны ўдзел у абласной спартакіядзе прыняла зборная каманда работнікаў культуры Дзятлаўскага раёна. Праграму двухдзённых спаборніцтваў склалі турніры па валейболе, настольным тэнісе, шашках, лёгкай атлетыцы, дартсе. У складзе каманды выступілі: Марына Бортка, Ганна Вянско, Алена Хрышчановіч, Марына Крупіца, Фёдар Маслакоў, Ірына Цяцерына, Аляксандр Клімец, Аляксандр Баклушын, Сяргей Варэйка. Найбольшага поспеху сярод дзятлаўчан дамагліся Алена Хрышчановіч – яна заняла першае месца па шашках, Фёдар Маслакоў – заняў трэцяе месца па шашках. Пераможцы спартакіяды атрымалі дыпломы і медалі.
Марына БОРТКА,
старшыня Дзятлаўскай раённай арганізацыі Беларускага прафсаюза работнікаў культуры, інфармацыі, спорту і турызму
