Спецыялізаваную дапамогу пры абмаражэннях могуць аказаць толькі ў першыя 48 гадзін.
Калі чалавек звяртаецца пасля гэтага часу, то спецыялізаваная тэрапія для аднаўлення кровазвароту ў паражоных участках цела будзе ўжо неэфектыўная. Такія пацыенты атрымліваюць дапамогу ў аддзяленнях гнойнай хірургіі па месцы жыхарства. Там ужо трэба будзе рабіць выдаленне нежыццяздольных тканін аж да высокіх ампутацый.
Некаторыя могуць атрымаць абмаражэнне з-за прафесіі. У зоне рызыкі тыя, хто працуюць на вуліцы: прадаўцы, грузчыкі, дворнікі. У такіх людзей у асноўным абмаражэнне: дрыжыкі або хранічная халадовая траўма I ступені. Гэта хранічны працэс, які прыводзіць да лушчэння скуры.
У халоднае надвор’е не трэба карыстацца мазямі, таму што на ветры можна атрымаць абмаражэнне. Выходзячы на вуліцу, трэба старацца дыхаць праз нос. Калі вы адчулі паколванні на скуры, нельга спрабаваць сагрэцца ў цёплай ванне. Саграваць сябе трэба знутры: выпіць гарачы чай і паесці.
Сяргей АЛЕСІЁНАК,
доктар-траўматолаг Дзятлаўскай ЦРБ
