На адрас раённай арганізацыі Таварыства Чырвонага Крыжа паступіў гуманітарны груз ад Ісландскай арганізацыі Чырвонага Крыжа.
Дапамога прызначана для дзяцей з абмежаванымі магчымасцямі і дзяцей, якія гадуюцца ў шматдзетных сем’ях.
Сімвалічна, што перадача дапамогі адбылася напярэдадні Дня інвалідаў. Старшыня раённай арганізацыі Таварыства Чырвонага Крыжа Галіна Касцюк перадала дзіцячае адзенне і цёплыя вязаныя рэчы матулям выхаванцаў Дзятлаўскага раённага цэнтра карэкцыйна-развіваючага навучання і рэабілітацыі. Яна пажадала дзецям і іх бацькам здароўя і камфортнай зімы.
Цёплыя падарункі ад Чырвонага Крыжа таксама будуць накіраваны ў дзіцячы дом сямейнага тыпу сям’і Шэлегаў.
Ірына КАЎКЕЛЬ
