17 сакавіка, у шосты школьны дзень, вучні, іх бацькі і педагогі Казлоўшчынскай сярэдняй школы прынялі ўдзел у раённай валанцёрскай акцыі “Дзень добрых спраў”.
Валанцёрскі атрад школьнікаў “Добрае сэрца”, а таксама дарослыя здзейснілі сапраўды добрыя справы. Яны наведалі адзінокіх і адзінока пражываючых людзей у гарадскім пасёлку Казлоўшчына, вёсках Падвялікае, Скрундзі, аграгарадку Войневічы. Дзяўчаты і хлопцы навялі парадак у іх дамах, падгрэблі і прыбралі смецце ў дварах, разам з бацькамі і настаўнікамі накалолі і нанасілі дроў, паправілі плот, які ўпаў, купілі неабходныя прадукты харчавання.
Гэты дзень пакінуў у душах пажылых людзей не толькі падзяку, але і спакой ад таго, што яны не забытыя.
Марыя СЕМЧАНКА,
член валанцерскага атрада “Добрае сэрца”
Стоит почитать:
«С добром, с любовью и весной!»
