24 ліпеня першы епархіяльны моладзевы велапрабег, прысвечаны святкаванню 700-годдзя Навагрудскай епархіі, стартаваў з аграгарадка Жыровічы ад Успенскага сабора Жыровіцкага манастыра і ў гэты ж дзень дасягнуў гарпасёлка Казлоўшчына на Дзятлаўшчыне.
Сёння, у другі дзень велапрабегу, яго ўдзельнікі стартавалі ад храма Успення Прасвятой Багародзіцы ў Казлоўшчыне. На працягу сённяшняга маршрута веласіпедысты наведалі храм святых апосталаў Пятра і Паўла ў аграгарадку Вензавец, храм Прэабражэння Гасподняга ў Дзятлаве, храм Нараджэння Прасвятой Багародзіцы ў Наваельні і выправіліся ў Валеўку (Навагрудскі раён).
Фінішуе велапрабег заўтра ў Свята-Елісееўскім Лаўрышаўскім манастыры на Навагрудчыне.
Фота Б. Варны
