3 снежня ў Беларусі адзначаецца Дзень інвалідаў.
Як расказала загадчыца аддзялення сацыяльнай рэабілітацыі і абілітацыі інвалідаў Цэнтра сацыяльнага абслугоўвання насельніцтва Дзятлаўскага раёна Алена Гуль, напярэдадні гэтай каляндарнай даты ў аддзяленні адбылася традыцыйная спартакіяда для людзей з інваліднасцю.
Яны паказалі свае спартыўныя ўменні ў розных відах спаборніцтваў.
Кожны з удзельнікаў атрымаў дыплом спартакіяды ад дзятлаўскага раённага фізкультурна-спартыўнага клуба, а ўся каманда была ўзнагароджана салодкім прызам.
Спартыўны дух і сяброўская атмасфера яшчэ больш згуртавалі наведвальнікаў аддзялення, падарылі ім зарад бадзёрасці і добры настрой.
Ірына СТЫРНІК
Фотаздымкі Алены ГУЛЬ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
