Раклевіцкая сельская бібліятэка-клуб прымае актыўны ўдзел у бібліякросе “Сваё – значыць лепшае” па папулярызацыі сацыяльна значнай літаратуры ва ўстановах і арганізацыях мясцовасці. Тут штоквартальна ладзяцца інфармацыйныя выставы-агляды. Так у час наведвання Раклевіцкай дзіцячай школы-сада была прадстаўлена выстава-агляд “Суквецце родных кніг”. Да 80-годдзя Вялікай Перамогі хлопчыкі і дзяўчынкі пазнаёміліся з новымі кнігамі з выставы “У кніжнай памяці імгненні вайны”.
Беларускія кнігі выхоўваюць любоў да роднай мовы, радзімы, прыроды, а таксама чуласць, дабрыню, павагу і спагаду. У бібліятэцы прадстаўлены ўсе жанры беларускай літаратуры: апавяданні, аповесці, казкі, вершы. Дзеці знойдуць тут і пазнавальную літаратуру, якая пашырыць кругагляд юных чытачоў, дасць адказы на самыя няпростыя і нечаканыя пытанні, раскажа пра жывёльны і раслінны свет, пазнаёміць з тэхнікай, правіламі дарожнага руху, з навукай, навакольным асяроддзем.
Усе творы напісаны простай і жывой мовай. Выбірайце на свой густ і атрымлівайце асалоду ад сустрэчы з беларускай кнігай, узбагачайцеся новымі ведамі пра нашу Беларусь, яе людзей, іх мудрасць, традыцыі, звычкі.
Таццяна ЦЫГЕЛЬ,
бібліятэкар Раклевіцкай сельскай бібліятэкі-клуба
#библиотека #Дятловщина #книги
