Напярэдадні Новага года і Калядаў на Дзятлаўшчыне аб’яўлены раённы агляд-конкурс на лепшае навагодняе афармленне фасадаў будынкаў і прылеглых да іх тэрыторый прадпрыемстваў, установаў, арганізацый і прыватных падворкаў.
Ён праводзіцца з 10 па 30 снежня, узнагароджанне пераможцаў адбудзецца 31 снежня.
Прыняць удзел у конкурсе запрашаюцца прадпрыемствы, установы, арганізацыі, якія ажыццяўляюць сваю дзейнасць на тэрыторыі Дзятлаўшчыны, незалежна ад формаў уласнасці, а таксама ўладальнікі прыватных падворкаў Дзятлаўскага раёна.
Конкурс праводзіцца па наступных намінацыях:
“Лепшае навагодняе афармленне ўстановы адукацыі”;
“Лепшае навагодняе афармленне прадпрыемства гандлю і грамадскага харчавання”;
“Лепшае навагодняе афармленне сельскагаспадарчай арганізацыі”;
“Лепшае навагодняе афармленне арганізацыі сацыяльнай сферы”;
“Лепшае навагодняе афармленне прадпрыемства прамысловай сферы”;
“Лепшае навагодняе афармленне прадпрыемства транспарту і сувязі, будаўнічых і абслугоўваючых арганізацый, банкаў і ўстановаў”;
“Лепшае навагодняе афармленне прыватных падворкаў Дзятлаўскага раёна”.
Крытэрыі ацэнкі агляду-конкурсу:
— афармленне фасада будынка і ўваходных груп (наяўнасць віншавальных зваротаў “З Новым годам!” у выглядзе літарных паведамленняў або светлавых корабаў, афармленне светлавымі фігурамі і светлавым дажджом, а таксама гірляндамі з галін елкі);
— афармленне прылеглай тэрыторыі (выкарыстанне аб’ёмных скульптур, устаноўка жывых і штучных ёлак, упрыгажэнне дрэў, размешчаных на прылеглых да будынка тэрыторыях, светлавой сеткай, светлавым дажджом, цацкамі і іншым);
— афармленне вітражоў і вітрын, фасадаў (наяўнасць віншавальных паведамленняў з Новым годам, выкарыстанне светлавых гірляндаў і шнуроў, іншых дэкаратыўных свяцільняў, шароў, фігур Дзеда Мароза і Снягуркі, іншых тэматычных малюнкаў);
— адзінства стылю афармлення і цэласнасць кампазіцыі;
— выкарыстанне новых дызайнерскіх рашэнняў у афармленні, мастацкая і эстэтычная відовішчнасць;
— тэхніка і якасць выканання.
Заяўкі на ўдзел у конкурсе з указаннем назвы ўстановы, арганізацыі, прадпрыемства, адраса, кантактнага тэлефона, прозвішча ўдзельніка прымаюцца да 23 снежня па тэлефоне 8-01563-6-71-51 або па электроннай пошце idrik@dyatlovo.gov.by.
Конкурсная камісія выедзе на аб’екты для ацэнкі іх падрыхтоўкі па вызначаных крытэрыях.
Пераможцы агляду-конкурсу ў намінацыях вызначаюцца з 1-га па 3-е месцы. Арганізацыі і прадпрыемствы будуць узнагароджаны грашовымі прэміямі ў памеры: 1-е месца – 6 базавых велічыняў; 2-е месца – 4 базавыя велічыні; 3-е месца – 3 базавыя велічыні, гаспадары прыватных падворкаў: 1-е месца – 5 базавых велічыняў; 2-е месца – 4 базавыя велічыні; 3-е месца – 3 базавыя велічыні.
Аргкамітэт
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
