Адзін з аб’ектаў, які раённая рабочая група па арганізацыі і правядзенні суботніка вызначыла для добраўпарадкавання – старыя яўрэйскія могілкі па вуліцы Кастрычніцкай у Дзятлаве. Работы тут пачаліся ў чацвер, прадоўжыліся ў пятніцу.
У першы дзень на аб’екце працавалі 5 адзінак тэхнікі і дзве рабочыя брыгады, — паведамілі карэспандэнту газеты ў адміністрацыі жылкамунгаса. Менавіту жылкамунгасу, паводле раённага плана правядзення суботніка, вызначаны гэты аб’ект для добраўпарадкавання.
У другі дзень на дапамогу камунальнікам падаспелі работніцы сырзавода.
Але і за два дні і з дапамогай з добраўпарадкаваннем старых могілак, відавочна, не справіцца. Работы па выдаленні кустоўя прадоўжацца пасля Велікодных святаў.
