Галіна Эдвардаўна Касцюк, загадчыца аддзялення Цэнтра сацыяльнага абслугоўвання насельніцтва Дзятлаўскага раёна:
— З Дэкрэтам №3 згодна і падтрымліваю: тыя, хто не працуе, павінны плаціць збор, бо яны карыстаюцца сацыяльнымі льготамі, як і працоўныя грамадзяне. Пытанне толькі ў тым, як правільна і справядліва выкарыстоўваць гэты нарматыўны дакумент.
Напрыклад, што тычыцца хатніх гаспадыняў. Куды ім працаўладкавацца? Калі жанчына займаецца хатняй гаспадаркай, і дома, і на агародзе ў яе парадак, калі яна гадуе дзяцей, якія растуць паслухмянымі, паспяхова вучацца, магчыма, ёсць падстава вызваліць яе ад выплаты збору. Атрымліваецца, што ў яе заўжды хапае клопатаў і работы.
І наадварот, у сацыяльна небяспечных сем’ях жанчыны гадуюць дзяцей, але яны недагледжаныя, дома — антысанітарыя, адказныя службы пастаянна працуюць з такімі сем’ямі, трацяць час і дзяржаўныя сродкі. Такіх “хатніх гаспадыняў” абавязкова трэба прымушаць працаваць.
Падрыхтавала да друку І. ЛЕАНІДАВА
