10 верасня – Сусветны дзень аказання першай дапамогі.
У рамках яго Дзятлаўская раённая арганізацыя Таварыства Чырвонага Крыжа ладзіць майстар-класы па навучанні асновам аказання першай дапамогі пацярпелым у розных сітуацыях, базавым навыкам самадапамогі.
На мінулым тыдні старшыня аб’яднання Галіна Касцюк правяла такія тэматычныя майстар-класы для работнікаў і насельнікаў Казлоўшчынскага аддзялення кругласутачнага знаходжання для пажылых людзей і інвалідаў, а таксама для сацыяльных работнікаў і спецыялістаў Цэнтра сацыяльнага абслугоўвання насельніцтва Дзятлаўскага раёна. Сустрэчы прадаўжаюцца.
Галіна Касцюк нагадала, што з 2000 года кожную другую суботу верасня па ўсім свеце праходзіць Дзень аказання першай дапамогі. Яго ініцыятары – арганізацыі Чырвонага Крыжа розных краін свету. Валанцёры аб’яднання, якія валодаюць навыкамі першай дапамогі і дзейнічаюць рашуча, ужо дапамаглі выратаваць не адно чалавечае жыццё.
Ірына СТЫРНІК
Фота Галіны КАСЦЮК
