Сабор святых навамучанікаў і спаведнікаў Царквы Рускай і храм Праабражэння Гасподняга горада Дзятлава наведалі супрацоўнікі Дзятлаўскага раённага аддзела па надзвычайных сітуацыях.
Іх сустракалі благачынны цэркваў Дзятлаўскай акругі іерэй Іаан Кісель і супрацоўнік епархіяльнага аддзела па ўзаемадзеянні з узброенымі сіламі і праваахоўнымі органамі іерэй Сергій Антошкаў. У саборным храме горада для ратаўнікоў быў праведзены малебен. Па яго заканчэнні адбылася экскурсія, якая дала суцэльнае ўяўленне аб багатай гісторыі храмаў горада. Такія экскурсіі дапамагаюць усвядоміць культурнае і духоўнае значэнне царкоўнай архітэктуры, зразумець, чаму месца стала святым, напоўнена дабром і цеплынёй.
На памяць аб наведванні дзятлаўскіх храмаў агняборцы атрымалі духоўную літаратуру.
Ірына КАМАРОВА
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
