14 красавіка ў рамках рэспубліканскага суботніка работнікі Дзятлаўскага лясгаса дэманціравалі нежылы паўразбураны дом па вуліцы Камсамольскай у райцэнтры.
Як праходзілі работы, расказаў намеснік кіраўніка па ідэалагічнай рабоце раённага лясгаса Аляксей Урбановіч:
– Пачалі знос дома яшчэ 13 красавіка ў другой палове дня. З дапамогай Амкадора грузілі будаўнічае смецце ў самазвал і вывозілі яго на звалку. За ўчора здзейснілі тры рэйсы. Сёння поўнасцю справіліся з пастаўленай задачай. Таксама ў рамках суботніка ўдзельнічаем у пасадцы лясных культур у Дзямянавіцкім лясніцтве ва ўрочышчы Чырвоны Бор, наводзім парадак па шляху руху будучага веласіпеднага маршрута “Партызанскай сцежкай па Ліпічанскай пушчы”.
Вадзім ФІЛІПОЎСКІ
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
