Следчы камітэт уяўляе сабой адзіную самастойную ваенізаваную арганізацыю, падначаленую кіраўніку дзяржавы.
Супрацоўнікі Следчага камітэта з’яўляюцца прадстаўнікамі дзяржаўнай улады, знаходзяцца пад абаронай дзяржавы, маюць гарантыі і кампенсацыі.
Кадры для следчых падраздзяленняў рыхтуюць вышэйшыя навучальныя ўстановы, сярод якіх найбольш прыярытэтная – Акадэмія Міністэрства ўнутраных спраў. Менавіта тут, на самым “элітным” следча-экспертным факультэце, рыхтуюць спецыялістаў па спецыялізацыі “судова-пракурорска-следчая дзейнасць”, кваліфікацыя “юрыст”, якая непасрэдна звязана са следчай работай.
Курсанты Акадэміі МУС атрымліваюць поўнае дзяржаўнае забеспячэнне на перыяд навучання, бясплатную вышэйшую юрыдычную адукацыю, а па заканчэнні ім прысвойваецца спецыяльнае званне “лейтэнант юстыцыі”, гарантавана працаўладкаванне на пасады кіруючага саставу ў горадзе Гродне і Гродзенскай вобласці. Для супрацоўнікаў Следчага камітэта Рэспублікі Беларусь і членаў іх сем’яў заканадаўствам прадугледжаны сацыяльныя гарантыі. Курсанты Акадэміі МУС не падлягаюць прызыву ў армію.
Каб стаць курсантам Акадэміі, неабходна:
звярнуцца ў раённы аддзел Следчага камітэта па месцы жыхарства і прайсці субяседаванне з начальнікам (папярэдняе вывучэнне), па выніках якога будзе выдадзена даведка-рэкамендацыя (хадайніцтва) аб паступленні на следча-экспертны факультэт Акадэміі МУС;
падаць у аддзел унутраных спраў па месцы жыхарства заяву і даведку-рэкамендацыю аб паступленні на следча-экспертны факультэт Акадэміі МУС для афармлення асабістай справы;
прайсці медыцынскае асведчанне і псіхафізічны агляд у ваенна-ўрачэбнай камісіі ў вызначаным парадку;
прадаставіць у аддзел унутраных спраў па месцы жыхарства дакументы, вызначаныя парадкам прыёму ў Акадэмію МУС, а таксама копіі даведак сельскага выканаўчага камітэта вызначанай формы і дакументаў, якія пацвярджаюць права абітурыента на льготы;
у тэрмін, вызначаны Міністэрствам адукацыі Рэспублікі Беларусь, прайсці цэнтралізаванае тэсціраванне па рускай (беларускай) мове, замежнай мове, грамадазнаўству;
асабіста прыбыць у Акадэмію МУС і мець пры сабе пашпарт для падачы арыгіналаў дакументаў аб адукацыі (атэстата ці дыплома з дадаткам), сертыфікатаў цэнтралізаванага тэсціравання, праведзенага ў Рэспубліцы Беларусь ў 2021 годзе, даведак сельскага выканаўчага камітэта вызначанай формы, для абітурыентаў, якія маюць права на льготы – пацвярджальных дакументаў.
Абітурыенты, якія праходзяць па конкурсе на дзённую форму навучання, залічваюцца ў Акадэмію МУС і прымаюцца на службу ў органы ўнутраных спраў Рэспублікі Беларусь.
Перад залічэннем яны праходзяць канчатковае медыцынскае асведчанне непасрэдна ў Акадэміі МУС згодна з нарматыўнымі прававымі актамі. З імі заключаецца кантракт, які прадугледжвае абавязковае праходжанне службы ў органах унутраных спраў на працягу тэрміну навучання ў Акадэміі МУС, а таксама не менш за пяць гадоў пасля яе заканчэння ў падраздзяленнях Следчага камітэта Рэспублікі Беларусь.
Тэрмін атрымання вышэйшай адукацыі складае чатыры гады.
Акадэмія МУС знаходзіцца па адрасе: г. Мінск, пр. Машэрава, 6. Больш падрабязную інфармацыю можна даведацца на сайце ўстановы: www.academy.mia.by.
Жадаючыя паступаць у Акадэмію МУС з ліку грамадзянскай моладзі ва ўзросце ад 17 да 25 гадоў могуць звяртацца ў Дзятлаўскі раённы аддзел Следчага камітэта па адрасе: г. Дзятлава, вул. Першамайская, 5. Тэлефон для даведак 6-46-20.
Мікалай БАРОДЗІЧ,
начальнік раённага аддзела Следчага камітэта
