У год юбілею Перамогі савецкага народа ў Вялікай Айчыннай вайне ў нашай краіне рэалізоўваецца рэспубліканскі праект “Беларусь памятае. 75 мірных гадоў”.
Сёлета ён праходзіць бескантактна. Шырокамаштабная віншавальная акцыя разгарнулася на Дзятлаўшчыне.
Больш за тры дзясяткі пісьмаў-трохкутнікаў ад Прэзідэнта Рэспублікі Беларусь былі перададзены ва ўпраўленне па працы, занятасці і сацыяльнай абароне Дзятлаўскага райвыканкама для жыхароў нашага раёна. Як расказала намеснік начальніка ўпраўлення, начальнік аддзела пенсій і дапамогаў Алена Навічэнкава, іх паштальёны даставяць ветэранам, былым вязням фашысцкіх канцэнтрацыйных лагераў, членам сем’яў ваеннаслужачых, партызан і падпольшчыкаў, асобным катэгорыям грамадзян, якія пацярпелі ад наступстваў Вялікай Айчыннай вайны.
Рыхтавалі пісьмы да рассылкі, а менавіта – пісалі на іх адрасы атрымальнікаў, згодна раённых спісаў ветэранаў і ўдзельнікаў вайны, спецыялісты Цэнтра сацыяльнага абслугоўвання насельніцтва Дзятлаўскага раёна.
– Прыемна, што і мы змаглі далучыцца да такой ганаровай місіі, – зазначыла дырэктар Цэнтра Таццяна Нікіпорчык, – Пісьмы-трохкутнікі ад дарагіх сэрцу салдат у час вайны сагравалі цеплынёй іх родных і блізкіх, дарылі надзею на тое, што сын, муж, бацька або брат вернуцца з фронта жывымі. Сімвалічна, што юбілейныя пісьмы ад Прэзідэнта таксама маюць форму франтавога трохкутніка. Ветэранам і сведкам ваеннага ліхалецця ганарова атрымаць такі віншавальны ліст. Я ўпэўнена, што многіх ён верне ўспамінамі ў далёкае мінулулае.
Для ветэранаў Вялікай Айчыннай вайны нашага раёна пісьмы Прэзідэнта паклалі ў франтавыя пасылкі, дарэчы адну з такіх пасылак у рамках акцыі “Беларусь памятае. Салдаты Перамогі” фарміравала раённая арганізацыя Беларускага саюза жанчын, намеснікам старшыні якой я з’яўляюся. Гэты незвычайны падарунак і найлепшыя пажаданні ад жанчын Дзятлаўшчыны атрымала ветэран Вялікай Айчыннай вайны Ганна Кузьмінічна Робата.
Ірына СТЫРНІК
Подписывайтесь на телеграм-канал «Гродно Медиа Group» по короткой ссылке @GrodnoMediaGroup
Для паспяховай адаптацыі, прафесійнага росту і замацавання маладых спецыялістаў, якія прыбылі на першае працоўнае месца…
Час бязлітасна змывае з твару зямлі цэлыя гарады і цывілізацыі, але над некаторымі рэчамі ён…
Социальная сеть – это среда, где мы общаемся с друзьями, родственниками, знакомыми, коллегами. Поэтому сообщение…
Днямі на вадаёмах райцэнтра прайшла міжведамасная прафілактычная акцыя “Летні патруль”, скіраваная на папярэджанне няшчасных выпадкаў…
Железная дорога - удобный и востребованный вид транспорта, которым пользуются миллионы людей каждый день. Повышение…
Обмен военнопленными между Россией и Украиной провели на территории Беларуси, передает корреспондент БЕЛТА. Беларусь продолжает…