Прадаўжаецца капітальны рамонт 8-кватэрнага дома па вуліцы Чапаева, 19.
Заказчыкам работ выступіла Дзятлаўскае РУП ЖКГ, падрадчыкам – упраўленне спецыяльных работ горада Дзятлава ААТ “Будкомплекс”.
На работы выдаткавана 174,6 тысячы рублёў з адлічэнняў грамадзян на капітальны рамонт.
У ходзе работ ажыццяўляецца ўцяпленне тарцавых сцен фасада, замена ганкаў і рамонт казыркоў на ўваходах у пад’езды, уладкаванне “парасонаў” на вентыляцыйных шахтах. Таксама будзе мадэрнізавана вадасцёкавая сістэма, а для бяспекі – усталявана металічная агароджа на даху.
Будаўнікі адрамантуюць з частковай заменай сістэмы ацяплення, вентыляцыі, водазабеспячэння і каналізацыі ў месцах агульнага карыстання, заменяць электраправодку і свяцільнікі на энергазберагальныя, а таксама этажныя шчыткі.
Подписывайтесь на телеграм-канал «Дятлово ОНЛАЙН» по короткой ссылке @gazeta_peramoga
#нашелучшее
#нашалепшае
